Thottal Thodarum

Mar 28, 2016

கொத்து பரோட்டா - 28/03/16

தோழா
இரண்டு ஆண்களுக்கு இடையே ஆன நட்பின் நெருக்கத்தை சொல்லும் படம். ப்ரெஞ்சில் வெளியான அன் டச்சபிள் எனும் படத்தின் அஃபீசியல் ரீமேக். அது ஒரு உண்மைக்கதை. அதை இங்கே கொஞ்சம் எக்ஸ்டெண்ட் செய்து இரண்டரை மணி நேர படமாக்கியிருக்கிறார்கள். கொஞ்சம் மிஞ்சினாலும் நெஞ்சை நக்கக் கூடிய படமாய் போய்விடக்கூடிய அத்துனை வாய்ப்புகள் உள்ள கதை. ஆனால் அதை மிகைப் படுத்தாத நடிப்பினாலும், ஒவ்வொரு காட்சியின் ட்ரான்ஸிஷனாலும், வசனத்தினாலும் அட்டகாசப்படுத்தியிருக்கிறார்கள். கார்த்தியாகட்டும், நாகார்ஜுன் ஆகட்டும் பர்பெக்ட்டாய் நம் மனதினுள் பதிந்துவிட்டார்கள். ராஜு முருகன், முருகேஷ் பாபுவின் வசனங்கள் படத்திற்கு மிகப் பெரிய ப்ளஸ். தேவைபடுகிற இடத்தில் தேவைக்கதிகமாய் இல்லாத வசங்கள். சில சமயங்களில் சீரியஸாய் ஆரம்பிக்கிற சீனை அப்படியே சிரிப்பாய் மாற்றி அடுத்த கட்டத்திற்கு கொண்டு போகும் வழியாகவும், சிரிப்பாய் ஆரம்பிக்கும் காட்சியை தொண்டையை அடைக்கும் காட்சியாகவும் மாற்றக்கூடிய வலிமையுள்ள வசனங்கள். நாகார்ஜுனுக்கு வயசே ஆகாதா?. மனுஷன் நாளாக நாளாக கலக்கிக் கொண்டிருக்கிறார். மில்லியனர் என்றதும் அதில் நாகார்ஜுனை பொருத்திய காஸ்டிங்கே பெரும் வெற்றி. பி.எஸ். விநோத்தின் ஒளிப்பதிவு கச்சிதம். முக்கியமாய் பாரீஸ் இரவு நேரக் ரேஸ் ஸ்டண்ட். பாரா க்ளைடிங் ஷாட்ஸ் எல்லாம் அட்டகாசம். ஒரிஜினல் படத்தின் கதை முக்கால் வாசி இடைவேளையின் போதே வந்துவிட, இன்னும் என்ன செய்யப் போகிறார்கள் என்று யோசித்துக் கொண்டிருந்த போது அதை அழகாய் நாகார்ஜுனுக்கான பகுதியாய் மாற்றி, அனுஷ்காவை உள்நுழைத்தது கொஞ்சம் க்ளீஷேவாக இருந்தாலும் அக்காட்சியின் முடிவு வாவ்.. அதே போல நாகார்ஜுனின் டேட்டிங் சீன் அவருக்காகவே எழுதப்பட்டதாக இருந்தாலும், ஐடியா கொஞ்சம் பழசாயிருந்தாலும், நாகார்ஜுன் எனும் போது செம்மயாக பொருந்துகிறது. ஒட்டாதது தமன்னா, கார்த்தியின் காதல். ஒரிஜினலில் கார்த்தி கேரக்டர் ஆள் தமன்னா கேரக்டரிடம் எப்படியாவது ஒரு நாள் மேட்டரை முடிக்க நேரடியாகவே கேட்பார். இதில் அதை காதலாய் எக்ஸ்டெண்ட் செய்தது ஒட்டவில்லையென்றாலும், காதல் சொல்லும் செயிண்ட் கோபியன் ஸ்டைல் காட்சி கலக்கல். ப்ரகாஷ் ராஜ் என்ன ஒரு நடிகன். அவ்வளவு சப்டிலாக நாகார்ஜுனுடன் நடிக்கும் காட்சியாகட்டும், மொக்கை பெயிண்டிங்கை வாங்கி இளிச்சவாயன் என்று தெரிந்தும் அதை ஜீரணிக்கும் காட்சியாகட்டும் மனுஷன் நடிகண்டா. மைனஸாய் பார்த்தால் அந்த குத்துப் பாட்டும், கொஞ்சம் செகண்ட் ஆஃபிற்காக எக்ஸ்டெண்ட் செய்யபப்ட்ட ஒரு சில காட்சிகளை தவிர, சட்டென விக்ரமன் டைப் படம் தானே என்று சொல்ல முடியாத படியான  ஃபீல் குட் படம். டோண்ட் மிஸ்.

Mar 21, 2016

கொத்து பரோட்டா - 21/03/16

”இந்த வாட்டி யாரு வருவாங்க சொல்லுங்க?” என்ற அந்த அம்மணியிடம், “நிச்சயம் மாற்றம் வரதுக்கான வாய்ப்பிருக்குன்னேன். அப்ப நீங்க திமுகவா? அப்படின்னாங்க... “அப்படியில்லைங்க.. வெள்ளத்துக்கு முன்னாடி நிச்சயம் அதிமுகவுக்கு 70 சதவிகிதம் வாய்ப்பு இருந்துச்சு. இப்ப அதுக்கு சாத்தியமில்லை. திமுகவுக்கு கூட்டணி வலு இல்லைன்னு சொல்றீங்க? சரி.. அப்படி பார்க்கும் போது அதிமுக, திமுக ரெண்டுத்துக்கு சரி சதவிகித வாய்ப்பு இருக்கு. ஒரு வேளை விஜயகாந்த், பா.ம.க, பா.ஜ.க, ம.ந.கூன்னு ஆளாளுக்கு ரெண்ட்ரொரு சீட் ஜெயிச்சுட்டாலும், காலக் கொடுமை இவங்க உதவியிருந்தாத்தான் ஆட்சி அமைக்க முடியும்னா, நிச்சயம் அவங்களே திமுகவுக்குத்தான் போவாய்ங்க.. என்ன நீங்க மைனாரிட்டி திமுகன்னு அஞ்சு வருஷத்துக்கு புலம்பிட்டிருக்கலாம். அம்பூட்டுத்தான். என்ன நான் சொல்றது? என்று போது “தம்பி உங்களுக்கு உலகம் தெரியலை.. ஏன்னா நேத்து நான் பல பேரை சந்திச்சேன் அங்க அவங்ககிட்ட பேசினப் போது , தெளிவா ஒண்ணு தெரிஞ்சுச்சு, அடுத்தது அம்மாதான்னு. அப்படியா? யாரை சந்திச்சீங்க? எந்த ஏரியாவுல போய் சந்திச்சீங்க? என்றேன் ஆவலுடன். நம்ம மகளிர் அணி கூட்டத்திலதான் என்றார் அந்த அம்மணி. வெளங்கிடும்.

Mar 17, 2016

சாப்பாட்டுக்கடை - மதுரை சாரதா மெஸ்

நீங்க பாட்டுக்கு பேலியோவுக்கு போயிட்டீங்க.. எங்களுக்குத்தான் சாப்பாட்டுக்கடை போஸ்ட் இல்லாம போயிருச்சுன்னு நிறைய பேர் என்னை நேரில் சந்திக்கும் போது கேட்பார்கள். என்னதான் பேலியோவில் இருந்தாலும் அவ்வப்போது சீட்டிங் டேயில் புல் கட்டு கட்டுவது இன்னமும் தொடர்ந்து கொண்டுதானிருக்கிற நிலையில் சமீபத்தில் போன உணவகம் தான் இந்த மதுரை சாரதா மெஸ்.
முன்பு திருவல்லிக்கேணியில் இருந்த இந்த உணவகத்தில் கோலாவும் உருண்டையும், அயிரை மீன் குழம்பும், ஸ்பெஷல். பின்பு அவ்விடத்தை காலி செய்ய சொன்னதினால் சில பல வருடங்கள் இல்லாமல் இப்போது சி.ஐ.டி. நகர் மேயர் துரைசாமி அலுவகத்திற்கு எதிரே சின்னக்கடையாய் மீண்டும் அதே மதுரை சாரதா மெஸ். வழக்கம் போல அவர்களது ஸ்பெஷலான கோலாவையும், மீல்சையும் ஆர்டர் செய்தாகிவிட்டது. சாப்பாட்டிற்கு சிக்கன், மீன் குழம்பு மட்டுமே. மட்டன் குழம்பெல்லாம் இல்லை. பட்.. வீட்டுச் சாப்பாடு போல அருமையான சாப்பாடு, மட்டன் சுக்கா நல்ல இளம் கறியாய் சமைத்து கொண்டு வந்தார்கள். கோலா உருண்டை எல்லா கடைகளை விட கொஞ்சம் பெருசாகவே இருந்தது. கிரிஸ்பியாய் இருந்தாலும், சூடு இல்லாததால் எனக்கு கொஞ்சம் பிடிக்கவில்லை. மற்றபடி ஒரு டீசண்ட் மீல்ஸ்.. மட்டன் சுக்கா, கோலா உருண்டையோடு, வெறும் 180 ரூபாய்க்கு. குட் டீல். இவர்களுடய ஸ்பெஷல் அயிரை மீன் குழம்பை இன்னும் ட்ரை பண்ணலை..

Mar 14, 2016

கொத்து பரோட்டா - 14/03/16

விகடன் ப்ளாக் என்ற ஒன்றை ஆரம்பித்திருக்கிறது. நான்கு பக்கங்கள் நாக்குத் தள்ள வலைப்பூக்கள் எழுதி வந்தவர்கள் எல்லாம், ட்வீட்டருக்கும், பேஸ்புக்கும் போய்விட, எழுத ஆளே இல்லாமல், திரட்ட வலைப்பூக்களே இல்லாமல் தமிழ் மணம் போன்ற திரட்டிகள் எல்லாம் காய்ந்து போயிருக்க, இத்தனை வருஷம் கழித்து விகடன் ப்ளாக் ஆரம்பித்திருப்பது ஏன் என்றே புரியவில்லை. விகடன் ப்ளாக் என்பது ஒரு திரட்டியைப் போல இருந்தால் கூட பிரச்சனையில்லை. இவர்களுக்கான கட்டுரையை நாம் அவர்களுக்கு மெயில் செய்து அவர்கள் செலக்ட் செய்த கட்டுரையை பின்பு வலையேற்றுவார்கள் என்பதும், அப்படி செலக்ட் ஆன கட்டுரை, படங்களை விகடன் வலைத்தளத்தில் வெளியிடுவதினாலும் பெருவாரியான மக்களுக்கு ரீச் ஆகும் என்றும், பிரதமர் எல்லாம் தமிழில் படித்து விருந்துக்கு கூப்பிட வாய்ப்பிருக்கிறது என்று பப்ளிக்குட்டி கொடுப்பதெல்லாம் செம்ம மொக்க ஐடியா. என்னைப் பொறுத்தவரை விகடன் ப்ளாக்க விட, சொந்த வலைப்பூ, பேஸ்புக், ட்வீட்டர் போன்றவற்றில் இயங்கும் சுதந்திரம் இதில் இருப்பதாய் தெரியவில்லை. அத்தோடு, இணையத்தை பொருத்தவரை தொடர்ந்து எழுதுகிறவர்கள் அவரவர் திறமைகளுக்கு ஏற்ப வளர்ந்து கொண்டு தானிருக்கிறார்கள் என்பது உ.கை.நெ.கனி

Mar 7, 2016

கொத்து பரோட்டா -07/03/16

ஆன்லைனில் ஓட்டெடுப்பு நடத்திப் பார்க்கலாம் என்ற நடத்திய போது வந்த ரிசல்ட்டுகள் குழப்பமாய் இருந்தாலும் வேறொரு விஷயத்தை தெளிவாக சொல்கிறது. ட்விட்டர் ஓட்டெடுப்பில் திமுக வெற்றி பெறுவதற்கான வாய்ப்பு 50 சதவிகிதம்தான் இருக்கிறது என்பது போல வருகிறது. பேஸ்புக்கில் அதெல்லாம் வரவே வராது என்கிறார்கள். நடுநிலை வாதிகள் என்ற க்ரூப்பே காணவில்லை. கொஞ்ச மாதத்திற்கு முன் சகாயம் தான் முதல்வர் என்று ஒரு க்ரூப்பும், ஏன் கெஜ்ஜரிவாலை தமிழ் நாட்டு முதலமைச்சராக்கக் கூடாது என்று ஒரு க்ரூப்பும் பேசிக் கொண்டிருக்க, ம.ந.கூ என்ற ஒன்றைப் பற்றி ஓட்டெடுத்தால் ஒட்டெடுப்பை கூட சீந்த மாட்டேன் என்கிறார்கள். சும்மா போடுற ஓட்டுக்கே இப்படியென்றால் நிஜ ஓட்டெடுப்பில் என்னவாகுமென்று புரிந்தது. மக்களைப் பொறுத்தவரை ஒருத்தரையே தொடர்ந்து ஆளவிடுவது இல்லை என்ற முடிவில் இருப்பதாலும், இவர்கள் ரெண்டு பேரைத் தவிர வேறொரு க்ரூப் ஸ்ட்ராங்காக வரவில்லை என்பது தான் உண்மை நிலை. எலக்‌ஷன் தேதி அறிவிப்புக்கு ரெண்டொரு நாள் முன்பு கட்சி ஆரம்பித்த அப்துல் கலாம் ஆலோசகரின் கட்சியை நினைத்தால் சிரிப்புத்தான் வருகிறது. இதன் நடுவில் சீமான் வேறு கம்யூனிஸ்டுகளிடம் உங்களை விட ஓட்டு ஜாஸ்தி வாங்கலைன்னா கம்யூனிஸ்ட் கட்சியில சேர்ந்திடுறேனு சொல்லிட்டே உங்களுக்கு கொள்கையில்லை, போய்யா லூசு என்று நட்ட நடு வீட்டு டீவியில் கத்துகிறார். அடப் போங்கடா..நீங்களும் உங்க அரசியலும்னு இருக்குறது ஒண்ணியும் தப்பில்லை போல..