Thottal Thodarum

May 30, 2016

கொத்து பரோட்டா - 30/05/16

கேட்டால் கிடைக்கும்
மெட்ப்ளஸில் மருந்து வாங்க சென்றிருந்தேன். வலது பக்கத்தில் ஒரு விளம்பரம் போட்டிருந்தார்கள். அதில் 100 ரூபாய்க்கு பொருள் வாங்கினால் 20 ரூபாய் மதிப்புள்ள டூத் ப்ரஷ் இலவசம் என. அது போல ஓவ்வொரு தொகைக்கு ஒவ்வொரு பொருட்களை பட்டியலிட்டிருந்தார்கள். என் மனதில் என்னவோ இதில் ஒரு டகால்டி வேலையிருக்கிறது என்று தோன்றியது. எனது பில் 172 ரூபாய். சரி.. என் போன் நம்பர் கொடுத்தால் பத்து சதவிகிதம் டிஸ்கவுண்ட் தருவதாய் சொன்னார்.. இல்லையே போன் நம்பர் இல்லாமலேயே உங்க மருந்தகத்தில் 10 சதவிகிதம் டிஸ்கவுண்ட் உண்டே என்று கேட்டதற்கு யோசித்து நம்பர் இருந்தா கொடுங்களேன் என்றார். உங்க டேட்டா பேஸுல நம்பர் ஏத்துறதுக்கும் டிஸ்கவுண்டுக்கும் என்ன சம்பந்தம் என முனகிக் கொண்டே நம்பர் அளித்தேன். மருந்தையும், பில்லையும் கொடுத்தவரிடம் அந்த இலவச விளம்பரத்தைக் காட்டி அந்த பொருட்களை கொடுங்கள் என்றேன். அது டிஸ்கவுண்ட் பெற்றவர்களுக்கு கிடையாது என்றார்கள். அப்படியென்றால் இந்த விளம்பரத்திலேயே அதை போட்டிருக்கணும் இல்லையா? என்று கேட்டபோது அது வரை மொபைலில் கேம் ஆடிக் கொண்டிருந்த அந்த கடை இன்சார்ஜ் அதெல்லாம் தர முடியாது சார். என்றார். அப்படியென்றால் இந்த விளம்பரத்தை மாற்றுங்கள் என்றேன். எனக்கு இந்த பொருட்கள் தேவையில்லை. ஆனால் இதை வைத்து இன்னும் பல பேர் ஏதாவது டார்கெட் வரட்டும் என்று மேலும் சில பொருட்களை வாங்கி ஏமாறுவார்கள் இல்லையா? அல்லது அப்படி ஏமாறட்டும் என்று தான் இதை வைத்திருக்கிறீர்களா? என்று கேட்டது. உங்களால் முடிந்ததை பாருங்கள் என்றார்.. இதோ முதல் முடிந்தது.. கேட்க ஆரம்பித்திருக்கிறேன்.

May 25, 2016

சாப்பாட்டுக்கடை - கறி விருந்து

வளசரவாக்கத்தில் நல்ல உணவகங்கள் கொஞ்சம் குறைவுதான். நிறைய உணவங்கள் இருந்தாலும், நல்ல குவாலிட்டியான உணவகங்களை விரல் விட்டே எண்ணி விடலாம். ஜில் ஜில் ஒயின்ஸ் என்றாலே அந்த ஏரியாவில் பிரபலம். என்ன தான் அரசு டாஸ்மாக் ஆனாலும்  அந்த வகையில் இந்த கறி விருந்து ரொம்ப வருடங்களாய் நான் சென்று வரும் உணவகம். நாட்டாமை பிரியாணிக்கு பிறகு ஓரளவுக்கு நல்ல தரமான சீரக சம்பா மட்டன் பிரியாணி இங்கு சிறப்பு. மட்டன் சுக்கா, முட்டை சுக்கா, ஆகியவை நல்ல சுவை. முக்கியமாய் சுக்கா நன்கு சாப்டாக வெந்து மசாலாவுடன் கலந்து கொடுக்கபடுகிறது. மதியத்தில் ராஜ விருந்தெல்லாம் 1700 ரூபாய்க்கு நான்கைந்து பேர் சேர்ந்து சாப்பிடும் பேக்கெஜெல்லாம் இருக்கிறது. மீல்ஸில் மட்டன், சிக்கன், மீன் மீல்ஸ் அப்பளத்துடன் தருகிறார்கள். ரசமும், சிக்கன் குழம்பும் நன்றாக இருக்கிறது. ஹேவ் எ ட்ரை

May 23, 2016

கொத்து பரோட்டா - 23/05/16

ஸ்கீரின் ப்ரெசென்ஸ் என்பது ஒரு வரம். ரஜினிக்கு, கமலுக்கு, அஜித்துக்கு, விஜய்க்கு என்று இருப்பது போல, டிவிக்களில் எஸ்.பி.பியின் ஸ்கிரீன் ப்ரெசென்ஸ் இன்ஸ்பயரிங் அண்ட் க்யூட் என்றே சொல்ல வேண்டும். மிக சுவாரஸ்யமாக, பேசக்கூடியவர். முடிந்த் வரை யாரையும் புண்படுத்தாமல், நகைச்சுவை இழையோட, மிகவும் தன்னடக்கத்தோடு பேசுவார். பாடுவார். மிமிக்கிரி செய்வார். அவருடய நாஸ்டால்ஜியா பயணங்கள் படு சுவாரஸ்யமாய் இருக்கும். இவரின் பேட்டிகளை பார்க்கும்போது மனதினுள் ஒரு விதமான பாஸிட்டிவ் வைப்ரேஷன் கிடைப்பதை மறுக்க முடியாது. அந்த வகையில் நடுநடுவே பாஸ்கியின் இடைச்சொருக இடைஞ்சல்கள் இருந்தாலும் அருமையான, சுகமான பேட்டி. டூ வாட்ச் இட்.

May 16, 2016

கொத்து பரோட்டா - 16/05/16

ஓட்டு போட்டு வந்தாயிற்று. எங்கள் தெரு பூத்தில் அவ்வளவாக கூட்டமில்லை. எதிர் வரும் நபர்களிடமெல்லாம் தீபாவளி ஸ்நானம் ஆயிருச்சான்னு அந்த காலத்துல கேட்டா மாதிரி ஓட்டுப் போட்டாச்சா? என்று கேட்டுக் கொண்டிருந்தார்கள். நண்பரொருவர் சூசகமாய் ரெண்டுக்கோ, மூணுக்கோ ரெண்டுத்துல ஒண்ணைத்துக்குத்தான் செலக்ட் பண்ணணும் என்று அதிமுக, திமுகவின் வரிசையை சொல்லிவிட்டு சென்றார். யாரும் மொபைல் பேசவில்லை. விநாயகபுரம், பார்சன் நகர், ஹாஸ்பிட்டல் ரோடு ஏரியாக்களில் கொஞ்சம் கூட்டம். புதிதாய் ஓட்டுப் போடும் இளைஞர்களின் முகத்தில் ஆர்வம் அதிகமாய் இருந்தது.   இளைஞிகளுடன் வந்த அம்மாக்கள் “லீவு நாள்ல சீக்கிரம் எழுந்துருன்னா பதினோரு மணிக்கு எழுந்திருக்கிறவ இன்னைக்கு விடியற்காலையிலேயே எழுந்து மேக்கப் போட்டு ஓட்டு போட கிளம்பிட்டா.. எல்லாம் செல்பி எடுத்து போட்டு லைக் வாங்குறதுக்காக” என்றபடி போனார்கள். ஓட்டுப் போடும் இடம் தாண்டி வந்து புது ஓட்டர்கள் கூட்டமாய் விரல் உயர்த்தி க்ரூப் செல்பி எடுத்துக் கொண்டார்கள். பழைய ஓட்டர்கள் என்னத்த ஓட்டப் போடு, என்னத்த என்ற சலிப்போடு, வந்தாலும் தங்கள் ஜனநாயகக் கடமையை செவ்வனே செய்த திருப்தியோடு, வெளியேறினார்கள். பெண்கள் கூட்டம் ஏனோ கொஞ்சம் குறைவாகவே இருந்தது. ஆனால் ஒரு விஷயம் மட்டும் தெளிவாய் தெரிகிறது. எல்லாம் முகத்திலும் ஒரு அழுகுணி ஆட்டம் ஆடும் ஃபீல். குண்டு ஒண்ணு வச்சிருக்கேன் ரேஞ்சுல.. பார்ப்போம்.

May 9, 2016

கொத்து பரோட்டா -09/05/16

இசை என்பதற்கான விருது என்பது பாடலுக்கு தனியாக, பின்னணியிசைக்கு தனியாய் கொடுக்கக் கூடாது என்று சொல்லி இளையராஜா தேசிய  விருதை வாங்க மறுத்திருக்கிறார். அதற்காக கங்கைஅமரனின் பேட்டி பெரும் சர்ச்சையை ஏற்படுத்தியிருந்தாலும், என்னை போன்ற இளையராஜா ஃபேன்களுக்கு மகிழ்ச்சியே.. அந்த விருதுக்கான எந்த ஒரு தகுதியும் இல்லாத அப்படத்திற்கு விருதை கொடுப்பதும் அதை வாங்குவதும் மகா கேவலம். எனவே நாக்கு சால சந்தோஷம்.
@@@@@@@@@@@@@@@@@@@@@

May 2, 2016

கொத்து பரோட்டா-02/05/16

பெரம்பலூர் மாவட்ட தி.மு.க நண்பர் ஒருவரை சந்தித்தேன். உங்கள் தொகுதியில் தி.மு.கவின் வெற்றி வாய்ப்பு எப்படி என்று பேசிக் கொண்டிருந்த போது சுரத்தே இல்லாமல் பேசினார். கீழே யாரும் வேலை செய்ய மாட்டேன்குறாங்க.. காரணம்? என்னவென்று பார்த்தால் ராஜாவை சொன்னார்கள். மேலும் பேசிக் கொண்டிருந்த போது கலைஞர் ஏன் மீண்டும் இந்த கனிமொழி, ராஜா, என பேசிக் கொண்டிருந்தவர் சட்டென உணர்ச்சிவசப்பட்டு, இந்த தயாநிதி மாறனையும் கூட கூட்டிட்டு அலையிறாரு.. போன ஆட்சியில நம்ம கட்சி பேரக் கெடுத்ததே இவனுங்க தான் இவனுங்க கூட இருந்தா எவன் நமக்கு ஓட்டுப் போடுவானுங்க என்று மிக வருத்தத்துடன் பேசினார். என்ன அப்படியே செயிச்சாலும் ஒரு 140 சீட்டுக்குள்ள தான் வருமென்றார். அவரின் வருத்தம் நியாயமாத்தான் இருக்கு.
@@@@@@@@@@@@@@@@
ஞாயிறன்று மகன்களுடன் ஒய்.எம்.சி.ஏ நீச்சல் குளத்திற்கு போயிருந்தேன். அவ்வளவாக கூட்டமில்லை. 150 ரூபாய் அனுமதிக் கட்டணம் ஒரு மணி நேரத்திற்கு. பல வருடங்களுக்கு பிறகு நீச்சல் அடித்ததில் மகிழ்ச்சி. தண்ணீரை விட்டு வெளியே வந்ததும் பகபகவென பசித்தது. பேலியோவாய் ஏதுமில்லாததால் வேறு வழியில்லாமல் வரும் வழியில் ஒரு ஹோட்டலில் ஒரே ஒரு இட்லி மட்டும் சாப்பிட்டுவிட்டு, க்ரீன் டீ அருந்தினேன். செய்தி நான் இட்லி சாப்பிட்டதைப் பற்றியல்ல. சென்னையில் மிக நல்ல முறையில் பராமரிக்கப்பட்டு வரும் நீச்சல் குளங்களில் ஒய்.எம்.சி.ஏ நீச்சல் குளமும் ஒன்று. நீச்சல் பயிற்சியும் அளிக்கிறார்கள். நான் பல வருடங்களுக்கு முன் அங்கே தான் கற்றுக் கொண்டேன். என் பையன்களும் அங்கே தான். நன்கு பராமரிக்கப்பட்டும், சகாய விலையிலும் நீச்சலடிக்க.. ரெகமெண்டேஷனுக்காக்த்தான் இந்த பதிவு.
@@@@@@@@@@@@@@@@@@@@@@@@@@
மனிதன்
ஜாலி எல்.எல்.பியின் ரீமேக். பெரிய ட்விஸ்ட் அண்ட் டர்ன் உடைய கதையும் கிடையாது. சுவாரஸ்ய பேக்டரே படத்தில் வரும் நடிகர்களின் நடிப்பும் அதன் நைவ் தன்மையும்தான். தமிழில் எங்கே? எப்படி எடுபடப்போகிறது ? என்ற சந்தேகம் இருந்து கொண்டேயிருந்தது. அதை முதலில் தகர்த்தெறிந்தவர் ராதாரவி, அவ்வளவு கேஷுவல். கோர்ட் ப்ரோசீடிங்கை ஆங்காங்கே கொஞ்சம் நிஜ வாழ்க்கைக்கு அருகில் காட்டப்பட்டிருந்தாலும் பல இடங்களில் டெம்ப்ளேட். ஹன்சிகா தொட்டுக்க ஊறுகாய். சந்தோஷ் நாராயணின் இசையில் பாடல்கள் ஒன்று சிலாக்கியப்படவில்லை. பின்னணியிசை மட்டும் ஓக்க்கே. மதியின் அடக்கமான ஒளிப்பதிவு, ஒரிரு இடங்களில் தெரிபடும் வசனம். கமலக்கண்ணனாக நடித்தவரின் நடிப்பை விட, அவர் டப்பிங் பேசிய விதத்தில் அட்டகாசமான நடிப்பு. உதயநிதி ஸ்டாலின் இத்தனை படங்களுக்கு பிறகு நடிகராகியிருக்கிறார். வாழ்த்துக்கள். ப்ரகாஷ் ராஜ் ரசிக்க முடிந்தாலும் கொஞ்சம் சிவாஜியாய் ஓவர் ஆக்ட் செய்துவிட்டாரோ என்று தோன்றுகிறது. அஹா ஓஹோ சுவாரஸ்யமில்லையென்றாலும் மல்ட்டிப்ளெக்ஸுக்கு பழுதாகாது.
@@@@@@@@@@@@@@@@@
புதிய வீடியோ
@@@@@@@@@@@@@@@@@@@@
கேரளாவில் இ டிக்கெட் மூலமாய்த்தான் இனி தியேட்டர்களில் டிக்கெட் விற்பனை செய்ய வேண்டும் என்று சட்டம் போட்டுள்ளது. இது வரவேற்க தகுந்த ஒன்று. வரவேற்பதற்கான முதல் காரணம். கணக்கு. எத்தனை டிக்கெட் விற்பனை ஆகியிருக்கிறது. என்பதை ஆன்லைனிலேயே தெரிந்து கொள்ள முடியும். கணக்கும் சரியாய் வாங்க முடியும். அதிக விலைக்கு கூப்பன் அடித்து விற்க முடியாது. விநியோகஸ்தர்களுக்கும் சரியான கணக்கு வர வாய்ப்பு உள்ள விஷயம். இதனால் நீ ஓவர் விற்று விடுவாய் அதான் எனக்கு எம். ஜி கொடு என்று விலையை அதிகப்படுத்த முடியாது. உன் விலை இவ்வளவுதான் அதனால் இது தான் உன் சம்பளம் என்று தயாரிப்பாளர்கள் தைரியமாய் பேசலாம். என இன்னும் பல விதமான நன்மைகள் இருந்தாலும்,  தியேட்டர் விலையை கட்டுப்படுத்த சட்டமுள்ள நம்மூரில் அதை செயல்படுத்தாமல் லஞ்சம் வாங்கிக் கொண்டு முன்னூறுக்கும் நானூறுக்கும் விற்க துணை போகும் அரசாங்கமும், அதிகாரிகளும் இருக்கும் வரை.. ம்ம்ம்ஹும்.
@@@@@@@@@@@@@@@@@@@
குவாண்டிகோ
நம்மூர் பிரியங்கா சோப்ரா நடித்த அமெரிக்க சீரியல். அமெரிக்க இந்தியப் பெண்ணான ப்ரியங்கா ஒரு எப்.பி.ஐ அதிகாரி. நகரில் நடந்த மாபெரும் குண்டு வெடிப்பில் அவர் தான் குற்றவாளி என சாட்சியங்கள் இருக்க, அவர் அதிலிருந்து தப்பி, எப்படி ஒரிஜினல் குற்றவாளியை கண்டுபிடிக்கிறார் என்பது தான் சீரீஸின் கதை. ஒவ்வொரு எபிசோடிலும், எப்.பி.ஐ பயிற்சிகள் அதில் பங்கு பெறும் ஆட்களைப் பற்றிய பின் கதை, அவர்களின் காதல், மோதல், காமம், அவர்களின் பின்னணி, இதற்கிடையில் பிரியங்காவின் அப்பாவின் வாழ்க்கையில் உள்ள பின்னணி கதை. தன் தந்தையை ஏன் பிரியங்கா கொன்றார் என்பது போன்ற உப கதைகள் என கிட்டத்தட்ட 11 எபிசோட்டின் முடிவில் ப்ரியங்கா குற்றச்சாட்டிலிருந்து வெளிவந்துவிட்டாலும், ஒரிஜினல் வெடிகுண்டு வெடிக்க வைக்கிறவனை கண்டு பிடிக்க முடியவில்லை. சீசன் 2 இப்போதுதான் ஆரம்பித்திருக்கிறது. கிட்டத்தட்ட அமெரிக்க, இந்திய திரைப்பட ஹீரோ படம் போல இருக்கிறது. பிரியங்கா சோப்ரா, கிஸ்டடிக்கிறார். காரில் ஐட்டியை கழட்டி விட்டு, அறிமுகமில்லாதவனுடன் செக்ஸ் வைத்துக் கொள்கிறார். அழுகிறார். செண்டிமெண்ட் டயலாக் பேசுகிறார். அழகாயிருக்கிறார். லாஜிக்கில்லாமல் மிக் ஈஸியா பின்பக்க வழியாய் தப்பிப் போகிறார். எப்.பிஐ ஆட்களே அவர்களுடன் உள்ளடி வேலை செய்கிறார்கள் என்பது பொல எல்லாம் கதை போகிறது. ஒரு சில எபிசோடுகளுக்கு பிறகு நான் குவாண்டிகோ ட்ரைனிங்கை எல்லாம் பார்வேட் செய்துதான் பார்த்தேன் அத்தனை சுவாரஸ்யம். அப்படியான ஹிட்டு. இப்படியான ஹிட்டு என்றெல்லாம் சொன்ன அளவிற்கு ஒன்றுமேயில்லை. 
@@@@@@@@@@@@@@@@@
அடல்ட் கார்னர்
were having a big argument at breakfast. He shouted at her, "You aren't so good in bed either!" then stormed off to work. By mid-morning, he decided he'd better make amends and called home. "What took you so long to answer?" he asked. "I was in bed," she replied. "What were you doing in bed this late?" "Getting a second