Thottal Thodarum

Mar 31, 2013

கேடி பில்லா கில்லாடி ரங்கா

 சிவகார்திகேயனும், விமலும் தமிழ் சினிமா வழக்கம் போல வீட்டுக்கு பாரமாய் வெட்டியாய் திரிபவர்கள். எப்படியாவது அரசியல்வாதியாகி, கவுன்சிலராவதுதான் லட்சியமாய் சுற்றிக் கொண்டிருப்பவர்கள்.இம்மாதிரியான மொக்கை இளைஞர்களுக்கு கிடைக்கும் லட்டு பிகர்களாய் பிந்து மாதவியும், ரெஜினாவும். இவர்களுக்கு ஒத்தாய் வீட்டு மாப்பிள்ளையாய் செட்டிலாகி மாமனாரிடம் செலவுக்கு வாங்கிக் கொண்டு பொழுதை ஓட்டும் சூரி. இவர்களின் மாபெரும் லட்சியம் நிறைவேறியதா இலலியா? என்பதுதான் லைன். இம்மாதிரியான காமெடி படத்திற்கு இவ்வளவு கதையே அதிகம்.

Mar 30, 2013

சென்னையில் ஒரு நாள்

 ஹிதேந்திரன் எனும் சிறுவனின் உடலுறுப்புகளை ஒரு ஆஸ்பிட்டலிருந்து இன்னொரு ஆஸ்பிட்டலுக்கு துரித கதியில் யாரும் யோசிக்காத நேரத்தில் ஒர் போலீஸ்வேனில் கொண்டு வந்தார்கள்.  உயிருக்கு போராடிய இன்னொரு  உடலில் மாற்று இருதயம் பொறுத்தி உடல் உறுப்பு தானத்தை இன்று பாமரரும் யோசிக்கும் படியாய் செய்த ஒர் விஷயத்தை, மலையாள திரையுலகத்தினர் சில வருடங்களுக்கு முன் அதை அடிப்படையாய் வைத்து ஒர் அழகான, படத்தை எடுத்தனர். அதை தமிழில் எடுப்பதற்காக ராடன் டிவி நிறுவனம் வாங்கி இங்கே தயாரித்திருக்கிறது. வழக்கம் போல மாற்றான் தோட்டத்தில் மணந்தால் தான் நமக்கு தெரியும் என்பதை மீண்டும் நிருபித்திருக்கிறார்கள்.

Mar 29, 2013

அழகன் அழகி


 

1995ஆம் ஆண்டு வெளிநாட்டு படத்துக்கான ஆஸ்கர் நாமினேஷன் பெற்ற படம் Star Maker. “சினிமா பாரடைசோ” திரைப்பட இயக்குனர் குசுப்பே டோர்னடோரே இயக்கிய படம்.1954 இத்தாலிய கிராமங்களில் டிவிகூட அவ்வளவாக நுழையாத காலம், ஜோமொரிலி என்னும் ஓருவன் ஓரு பழைய லாரி போன்ற வாகனத்தில் ஊர் ஊராக சுற்றி தான் ரோமில் இருக்கும், கொலப்பியா பிக்சர்ஸின் ஆள் என்றும், சினிமாவில் நடிக்க ஆட்களை தேர்வு செய்வதற்காக வந்திருப்பதாகவும், உங்களில் யார் வேண்டுமானாலும், திரைப்படங்களில் நடிக்க முடியும், அதற்கான ஸ்கிரின் டெஸ்ட் எடுப்பதற்கு ஆயிரம் லியர் வரை வாங்கி கொண்டு, அவன் திருடி கொண்டுவந்த கேமராவும், எக்ஸ்பயரி ஆகிய பிலிம் ரோலை வைத்து, எல்லா கிராமங்களுக்கும் போய், டேரா போட்டு, பணத்தை வசூலிக்கிறான். இந்த படம்பிடிக்கும் எல்லாருடைய காட்சிகளையும் போட்டு பார்த்துவிட்டு அவர்க்ளில் ஒருவரை கொலம்பியா பிக்சர்ஸ் தேர்தெடுக்கும் என்று நம்பிகையை சொல்லி ஏமாற்றுகிறான்.. மேலும் படிக்க 

Mar 26, 2013

அடுக்குகளிலிருந்து - அமுதன்

அமுதனைக் கண்டால் என் ஆபீசில் வேலை செய்யும் பெண்ணைத் தவிர யாருக்கும் பயமே வராது.  அவள் கூட ஒரு கட்டத்தில் அவனைப் பார்த்தால் உட்கார்ந்த மாத்திரத்தில் போ..போ என்று சைகையாய் சொன்னதும் ஏதும் பேசாமல் போய்விடுவான். ஆனால் தினமும் காலையில் எழுந்ததும் என் ஆபீசின் வாசலில் வந்து அரை மணி நேரம் நிற்காமல் போக மாட்டான்.  அமுதன் எதிர்வீட்டு ராகவாச்சாரியின்  மகன். மூத்ததாய் ஒர் பெண்.  ஊருக்கெல்லாம் ஜாதகம் பார்க்கும் அவருக்கு கட்டம் சரியில்லை என்றே சொல்ல வேண்டும்.  மகளின் வாழ்க்கையும் சரியாய் அமையவில்லை. மகன் அமுதன் மனநிலை சரியில்லாதவன். ஆனால் இக்கவலைகள் எதையும்  காட்டாமல் ராகவாச்சாரி சந்தோஷமாய் காலையில் நேற்று நடந்த கிரிக்கெட் மேட்ச் பற்றிய காலத்தை படித்துவிட்டு, மீண்டும் ரீடெலிகாஸ்டை பார்ப்பார். மீண்டும் சாயங்காலம் வந்து விவாதிப்பார். ராகவாசாரியின் பெண் அப்படியே அம்மா அப்பாவின் கலந்தடிக்கப்பட்ட ஜெராக்ஸ். அமுதனிடன் ராகவாச்சாரியின் தடம் கூட தெரியாது.

Mar 25, 2013

கொத்து பரோட்டா- 25/03/13

சில வாரங்களுக்கு முன் அதிமுக சார்பில் “என் உயிரை திருப்பி தருவீங்களா தா..தா.. என்று கலைஞரை தாத்தா என்றழைத்து கிண்டல் செய்திருந்த போஸ்டர்களுக்கு போட்டியாய் சைதை பகுதி முழுவதும் திமுகவின் சார்பாய் ஒட்டப்பட்டிருக்கும் போஸ்டர். சபாஷ் சரியான போட்டி
@@@@@@@@@@@@@@@@@@@@@

Mar 24, 2013

கண் பேசும் வார்த்தைகள்


ஊரில் வெட்டிக்கு சுற்றிக் கொண்டிருக்கும் செந்தில் உருப்படுவதற்காக வெளிநாட்டில் வேலைக்கு செல்கிறார். சிங்கப்பூரில் வேலைக்கு செல்லும் அவர் எப்படியாவது அந்த ஊர் சிட்டிசன் ஆக வேண்டும் என்று விரும்புகிறார். ஈஸியாய் சிட்டிசன் ஆக வேண்டும் என்றால் சிட்டிசனான பெண்ணை திருமணம் செய்தால் முடியும் என்பதால் சிட்டிசன் என்று பொய் சொல்லிய இனியாவை தொடர்கிறார். காதலிக்கிறார். ஒரு கட்டத்தில் உண்மை தெரிகிறது. இன்னொரு பக்கம் இனியாவின் மாமா அவளை இரண்டாவது திருமணம் செய்யச் சொல்லி செய்யும் பயமுறுத்தல்கள். அதுவும் ஊரிலிருந்து. பின்பு என்ன ஆனது எனபது கதை.

Mar 23, 2013

மறந்தேன் மன்னித்தேன்

மோகன்பாபுவின் மகள் லஷ்மி மஞ்சுவின் தயாரிப்பில் தமிழ் தெலுங்கு என்று இரண்டு மொழிகளில் வெளி வந்திருக்கும் படம் என்று சொல்லப்பட்டாலும் டைட்டில் தவிர டப்பிங் படம் தான். தெலுங்கில் குண்டல்லோ கோதாவரி என்கிற பெயரில் சென்ற வாரமே வெளியாகி திரிசங்கு ரெஸ்பான்ஸ் கிடைத்திருப்பதாய் தகவல்.

Mar 22, 2013

Studio green bags Sonna puriyathu

Studio green bags the distribution rights of Sonna puriyathu.  The film Starring Mirchi shiva, vasundara, and directed by Krishnan jayaraj.  Studio green is becoming one of the luckiest distributors for small and medium budget movies nowadays. Starting from Attakathi most of the small budget movies released by them are hit.
s.k

Mar 21, 2013

சாப்பாட்டுக்கடை - A.V.K. வீட்டு சாப்பாடு.

சாலிகிராமத்தில் பிரசாத் லேப்புக்கு பக்கத்து ரோட்டின் வழியாய் வடபழனி நூறடி ரோடுக்கு போகிறவர்கள் எல்லோரும் அந்த ரோட்டின் முனைக்கு வரும் போது மோப்பம் பிடிக்க ஆர்மபித்துவிடுவார்கள். முக்கியமாய் அசைவம் சாப்பிடுகிறவர்களுக்கு பூனை மீனின் வாசத்தை சரியாய் கண்டுபிடித்துவிடும் என்பதைப் போல சட்டென ஒரு கணம் நின்று பார்த்துவிட்டுத்தான் போவார்கள் இந்த ஏ.வி.கே வீட்டு சாப்பாட்டுக்கடையை.

Mar 20, 2013

கேம்பஸ் செலக்‌ஷன்

யாராவது ஏதாவது ஒரு புது முயற்சி செய்யலாம் என்று அடியெடுத்து வைக்கும் போது “இதெல்லாம் விளங்காது. ஆகுற வேலைய பாரு” என்று ஆரம்பித்து அத்தொழிலில் உயர்வான இடத்தில் உள்ள ஒருவரின் பெயரைக் குறிப்பிட்டு “அவரே செய்யலை நீ செய்திருவியா?” என்று கேட்டு நம் ஆர்வத்தை முளையிலேயே கிள்ளிவிடுவார்கள். அப்படியான ஒரு விஷயம் தமிழ் சினிமாவில் ரொம்பவே அதிகம். எது சொன்னாலும் கமல் பண்ணலை, ரஜினி பண்ணலை, ஏவிஎம் பண்ணலை நீங்க பண்ணிருவீங்களோ? என்று கேட்பவர்கள் இருக்குமிடத்தில் அதுவும், வெற்றி மட்டுமே மதிப்பீடாக இருக்கும் துறையில் ஏதாவது சாதிக்க முயன்றாலும் அதற்கான கிண்டல்களும் கேலிகளும் நிறையவே வரத்தான் வரும். 

Mar 18, 2013

கொத்து பரோட்டா - 18/03/13

எங்கு பார்த்தாலும் உண்ணாவிரதம், போராட்டம், மாணவர்களின் ஈடுபாடு என்று இலங்கை தமிழர்களுக்காக நேரடியாய் தமிழக மக்களே தங்கள் அரசியல் தலைவர்கள் மீதான நம்பிக்கை அற்றதன் காரணமாய் இறங்க, என்ன தான் டெசோ, நடை பயணம், அது இது என்று எல்லோரும் தங்கள் தங்கள் லெவலுக்கு மக்களின் கவனத்தை தங்கள் பக்கம் திருப்ப எத்தனித்துக் கொண்டிருக்க, யாராலும் இப்போராட்டம் எங்களால் என்று மார் தட்டிக் கொள்ள முடியவில்லை.திமுகவுக்கு தற்போதைக்கு கூட்டணியிலிருந்து விலகல் என்பதைத் தவிர பெரிய அஸ்திரம் வேறேதுமில்லை என்பதால் அதை உபயோகித்திருக்கிறது என்று கூறுகிறார்கள். சமீபத்தில் யாழ்பாணத்திலிருந்து அகதியாய் லண்டனுக்கு போய்விட்ட ஒர் நண்பர் சென்னை வந்திருந்த போது சொன்னார். தமிழ்நாட்டில் இருக்கும் அத்தனை அரசியல்வாதிகளின் பேரிலும் நாங்கள் நம்பிக்கை இழந்து வருடங்களாகிறது. இனி மக்களே பொங்கி எழுந்தால்தான் ஆகும் என்றார். அது தான் நடந்து கொண்டிருக்கிறது.
@@@@@@@@@@@@@@@@@@@

Mar 17, 2013

வத்திக்குச்சி


எங்கேயும் எப்போதும் படத்திற்கு அடுத்து ஃபாக்ஸ் ஸ்டாரும், முருகதாஸ் புரடக்‌ஷனும் இணைந்து தயாரித்து அளித்துள்ள படம். முதல் படத்தைப் போலவே இப்படத்தின் மூலமாக தன்னுடய உதவியாளரான கின்ஸ்லியையும், தன் தம்பியை கதாநாயகனாய் அறிமுகப்படுத்தியிருக்கிறார் முருகதாஸ். ஆனால் முதல் படம் கொடுத்த நற்பெயரை தக்க வைத்துக் கொண்டாரா என்று கேட்டீர்களானால் இல்லை என்று வருத்தத்துடன் சொல்ல வேண்டியதாய் இருக்கிறது.

Mar 16, 2013

பரதேசி

 பி.எச்.டேனியல் என்பவரால் ரெட் டீ என்று ஆங்கிலத்திலும், இரா. முருகவேல் என்பவரால் எரியும் பனிக்காடு என்று  தமிழில் மொழிபெயர்க்கப்பட்ட நாவலை அடிப்படையாய் கொண்டு எடுக்கப்பட்ட படம். சமீபகாலமாய் பாலா இலக்கியவாதிகளோடு பயணப்பட்டுக் கொண்டிருக்கிறார். ஜெயமோகன், எஸ்.ராமகிருஷ்ணன், இம்முறை நாஞ்சில் நாடன்.

Mar 15, 2013

Sahib, Biwi Aur Gangster Returns

2011 ஆம் ஆண்டு சத்தமில்லாமல் வந்து ஹிட்டடிட்த படம். ரசிகர்கள், விமர்சகர்கள் என்று இரு தரப்பிலும் பெயர் வாங்கியது இதன் முதல் பாகம். அந்த வெற்றி கொடுத்த களிப்பை எக்ஸ்டெண்ட் செய்ய முயற்சித்திருக்கிறார்கள்.

Mar 13, 2013

பரதேசி பாலா


இந்த டீசரை வெளியிடும் முன் இதற்கு என்ன ரியாக்‌ஷன் மக்களிடமிருந்து கிடைக்குமென்று தெரிந்தே வெளியிட்டிருக்கிறார்கள். பாலாவை ஒர் மகோன்னதமான கலைஞன் என்று ஒரு சாரார் தலையில் தூக்கி வைத்து கொண்டாடுவார்கள். இன்னொரு சாரார் இந்த வீடியோவை பார்த்து துப்புவார்கள். ஆனால் படத்துக்கு கிடைக்கப் போகிற பப்ளிசிட்டி அதிகம். அதற்காகவே இந்த ரிஸ்க். இது நாள் வரை பாலாவின் படங்களுக்கு இம்மாதிரியான பப்ளிசிட்டியெல்லாம் இல்லாமலேயே ஒர் ஓப்பனிங் இருந்தது. இதற்கு முன்னால் எல்லாம் தயாரிப்பாளர் என்பவர் வேறொருவர். பெரிய ந்டிகர்கள் இருப்பார்கள். ஆனால் இப்போது நிலமை தலைகீழ் தயாரிப்பாளர் அவரே.. அதர்வாவும் பாவம் வளர்ந்து வரும் நடிகர். எனவே எதையாவது செய்து பரபரப்பை ஏற்றியாக வேண்டிய கட்டாயம். பாவம் சொந்த காசில்ல. வேற ப்ரொடியூசர் காசுன்னா.. படத்தில வர்ற மாதிரி அடிபட்டுத்தான் சாவணும். 

Mar 12, 2013

ஒன்பதுல குரு

Comedy is a Serious business என்பார்கள். காமெடி படம் எடுப்பது எவ்வளவு கஷ்டம், மற்றவர்களை கிண்டல் செய்தும், படங்களை பரோடி செய்தாலும் சிரிக்க வைப்பது எவ்வளவு கஷ்டம் என்பதை இவர்கள் கற்றுக் கொள்ள நம்மை பகடை காயாக்கியிருக்கிறார்கள். avvvv.. வலிக்குது.தேவையில்லாமல் இந்த படத்தை விமர்சிக்கிறேன் என்று உங்களை இம்சிக்க விரும்பாததால்... ஒன்பதுல குரு வந்தால்  பொண்டாட்டிய விட்டு ஓடிருவாங்களாங்கலாம்.. அதுவே படமா வந்தா நாம தியேட்டரை விட்டு ஓடிரணும்.  முடியல..
கேபிள் சங்கர்
டிஸ்கி: முடிந்தவரை எல்லோருக்கும் இதை ஷேர் செய்து மக்களை காப்பாற்ற வேண்டுகிறேன்.

Mar 11, 2013

கொத்து பரோட்டா-11/03/13

கும்பகோணத்திலிருந்து சென்னைக்கு திரும்புகையில் ஹைவேஸில் வரும் போது ஒர் கேள்வி எழுந்தது. கையில் காசு இல்லாவிட்டால் டோலில் அனுமதிப்பார்களா? இல்லை.. க்ரெடிட் கார்ட், டெபிட் கார்ட் வசதி வைத்திருப்பார்களா? என்ற சந்தேகம் தான் அது. அதை செக் செய்து பார்த்துடலாம் என்று முதல் டோலில் ‘சார்.. க்ரெடிட் கார்ட் அக்ஸெப்ட் பண்ணுவீங்களா?” என்று கேட்டவுடன் நின்று கொண்டிருந்த ஹிந்திக்கார பையனு புரியாமல் “சிங்கிள்?” என்று கேட்டான். “மேரே பாஸ் பைசா நஹிஹே.. க்ரெடிட் கார்ட் அக்ஸெப்ட் கரோகே” என்ற அரைகுறை இந்தியில் கேட்க, அவன் கண் வெளியே வந்துவிட்டது. “நஹி நஹி சாப்.. ஒன்லி பைசா..ஒன்லி பைசா..” என்ற பதற ஆரம்பித்தான் பின்னால் ஒர் பெரிய வால் நின்று கொண்டு ஹாரன் அடித்துக் கொண்டேயிருக்க, காசைக் கொடுத்துவிட்டு கிளம்பினேன். பின் அடுத்த டோல், அதற்கடுத்த டோல் எல்லாவற்றிலும் இதே நிலைதான். எனக்கொரு சந்தேகம். ஹைவேஸில் வந்தாகிவிட்டது. பர்சை மறந்து வைத்துவிட்டோம். அல்லது எங்கோ மிஸ்ஸாகி விடுகிறது. வருகிற வழியில் நம்பர் ஒன்னுக்கு போகும் இடத்தில் தொலைந்து விடலாம். டோலுக்கு காசு இல்லையென்றால் திரும்ப அனுப்புவேன் என்று சொல்வது சரியாகப் படவில்லை. பணத்தை வாங்க வேறு வசதிகள் நிச்சயம் செய்யப்பட்டிருக்க வேண்டும். க்ரெடிட் கார்டோ, அல்லது டெபிட் கார்ட் வசதியோ, அல்லது அங்கே ஒர் ஒருங்கிணைந்த ஏ.டி.எம்மோ அமைத்திருந்தால் அட்லீஸ்ட் பணம் எடுத்தாவது கொடுக்கலாம்.  சிங்கப்பூர் போன்ற நாடுகளில் ஏற்கனவே சார்ஜ் செய்யப்பட்ட கார்டுகளில் டோல்களை கிராஸ் செய்யும் போது பணம் எடுக்கப்படுகிறது. அதை மீறி காசில்லாமல் இருக்கும் கார்டுகள் கொண்டு கடக்கிறவர்களின் வீட்டிற்கு ஃபைனோடு பில் அனுப்பப்படுமாம்.ஒர் இந்திய குடிமகனுக்கு அவனுடய நாட்டில் பணம் இல்லையென்றால் பயணம் செய்யக்கூட முடியாது என்ற நிலை கொஞ்சம் யோசிக்க வேண்டியதாய் தான் இருக்கிறது. நிச்சயம் இதற்கு சட்டத்தில் ஒர் இடம் இருக்கும். ஆனால் அதை இவர்கள் நடைமுறை படுத்தாமல் சத்தாய்க்கிறார்களோ என்ற சந்தேகமும் இருக்கிறது. தெரிந்தவர்கள் தெளிவு படுத்தலாம்.
@@@@@@@@@@@@@@@@@@@@@@@

Mar 9, 2013

சாப்பாட்டுக்கடை - மகாலட்சுமி மெஸ்

நானும் கே.ஆர்.பியும் ஒரு வாரம் முன்பு சைதை ஜோன்ஸ்ரோடு வழியாய் சப்வேயில் இறங்காமல் இடது பக்கம் ஒரு சின்ன ரோட்டின் வழியே போனால் அரங்கநாதன் சப்வேவுக்கு போகலாம் என்ற அந்த சூடியம்மன் பேட்டைக்கு போகும் சிறு ரோட்டில் நுழைதோம். இரவு நேரம் வேறு சாப்பிட வேண்டும் என்று நினைத்தபடி வண்டியை விட, நல்ல வாசம் ஒன்று வந்தது. குருமா வாசனை. வண்டி தானாகவே ஆப் ஆகிவிட, திரும்பிப் பார்த்தேன் மகாலட்சுமி மெஸ் என்று போர்டு இருந்தது.

Mar 7, 2013

The Attacks Of 26/11


டைட்டிலைப் பார்க்கும் போதே படம் எதை பற்றி என்று சொல்லத் தேவையில்லை.  2008ல் இந்தியாவையே உலுக்கியெடுத்த பாகிஸ்தான் தீவிரவாதிகளின் மும்பை அட்டாக்குகளைப் பற்றிய படம் தான் இது. ஆர்.ஜி.வி ரொம்ப நாளைக்கு பிறகு மீண்டும் தன் முத்திரையை பதித்திருக்கிறார். 

Mar 6, 2013

சாப்பாட்டுக்கடை - Door.No.27

நண்பர் மகேஷ் ரொம்ப நாளாக சொல்லிக் கொண்டேயிருந்தார். ஈகா தியேட்டர் அருகே ஒரு ரெஸ்ட்டாரண்ட் திறக்கப் போகிறார்கள். ஒரு நாள் தங்கள் உணவு வகைகளை டேஸ்ட் செய்து பார்ப்பதற்காகவே பல்வேறு நபர்களை அழைத்து வந்து நிறை குறைகளை கேட்டறிந்ததாகவும், அவர்களுடய பிரியாணி சூப்பராக இருக்கிறது என்று சொன்னார். உணவகம் திறந்துவிட்டார்கள் என்று ஞாயிறு மதியம் உணவுக்கு என்னை அங்கே அழைத்துச் சென்றார். மகேஷை பற்றி ஒன்று சொல்லியாக வேண்டும். மனுஷன் சாப்பிட மட்டும் இல்லை. சுவையாய் சமைக்கவும் தெரிந்தவர். நல்ல வெய்யிலில் போயிருந்தேன். உள்ளே நுழைந்ததும் அந்த இடத்தின் அட்மாஸ்பியரைப் பார்த்ததும் அட என அசந்து போனேன். ஈகா தியேட்டருக்கு நேர் எதிரில் ஒர் பழைய ஹாஸ்பிட்டல் ஒன்று இருந்ததது அதைத்தான் இவர்கள் எடுத்து புதுப்பித்திருக்கிறார்கள். இடத்தையே தலைகீழாய் மாற்றி விட்டார்கள்.

Mar 5, 2013

Zero Dark Thirty

9/11 தீவிரவாத தாக்குதலுக்குப் பிறகு அமெரிக்க நடத்திய மிகப் பெரிய தேடுதல் வேட்டை அல்கொய்தா தீவிரவாதத் குழுவின் தலைவன் ஓசாமா பின்லேடனுக்காக நடத்திய தேடுதல் வேட்டைதான்.  அந்தத் தேடல் எப்படி நடந்தது. எப்படியெல்லாம் அதன் விசாரணை நடந்தது என்பதை அடிப்படையாய் கொண்டு, ஓசாமாவை கொன்றதை  க்ளைமாக்ஸாக வைத்து  லைவாக சொல்லியிருக்கும் ப்டம் தான் இந்த ஜீரோ டார்க் தர்ட்டி.

Mar 4, 2013

கொத்து பரோட்டா- 04/03/13

சனியன்று இரவு  சன் செய்திகள் விவாத மேடையில்  32 நாட்களாய் பூரண மது விலக்கை அமல் படுத்தக் கோரி உண்ணாவிரதம் இருக்கும் பெரியவர் சசி பெருமாளின் போராட்டத்தை முன் வைத்து பூரண மதுவிலக்கு வருமா? அமல் படுத்த முடியுமா? என்று விவாதித்தார்கள். அதில் எழுத்தாளர் சாரு நிவேதிதா, மற்றும் பமக சார்பில் ஒர் வக்கில், காந்திய மக்கள் இயக்கத் தலைவர் தமிழருவி மணியன், கள் உற்பத்தியாளர் சங்கத்தின் தலைவர் எல்லோரும் பேசினார்கள். அதில் தல சாரு மட்டும்தான் நிஜத்தில் டாஸமாக்கில் நல்ல சரக்கு கொடுப்பதில்லை என்றும், நல்ல சரக்கை கொடுங்கள் என்றும் சொன்னார். நிச்சயம் பூரண மதுவிலக்கு அமல்படுத்த வாய்ப்பேயில்லை என்று ஆணித்தரமாய் சொன்னார். தமிழ்நாட்டில்தான் இப்படி கேடுகெட்ட தரமற்ற சரக்கை தருகிறார்கள் என்று புலம்பினார். பல சமயங்களில் அவர் எடுத்து வைத்த வாதம் சரியாகவேயிருந்தது. என்ன எல்லாம் சரியாகப் போய்க் கொண்டிருக்கும் வேலையில் தமிழ்நாட்டைத்தவிர, இந்தியாவைத் தவிர வேறெந்த நாட்டிலும் குடித்துவிட்டு வண்டி ஓட்ட முடியாது Arrest செய்துவிடுவார்கள் என்று சொல்லிக் கொண்டிருக்க,  அடுத்த ஸ்டேட்மெண்டில் ப்ரான்சில் ஜானிவாக்கர் குடித்துவிட்டு வண்டியை தாறுமாறாக ஓட்டுபவன் நம் தமிழன் தான் என்று அங்குள்ள போலீஸ்காரர்கள் வண்டியோட்டும் அழகைப் பார்த்து கிண்டலடிப்பார்கள் என்று சொன்னதும் அவ்வளவு நேரம் சொல்லிக் கொண்டிருந்த சீரியஸ்த்தனம் குறைந்தும் வழக்கம் போல தல ஆரம்பிச்சிருச்சுடா என்று புலம்பத் தோன்றியது. ஊரில் உள்ள அத்துனை பேரும் மதுவிலக்கிற்காக காத்துக் கொண்டிருப்பது போல மக்கள் பேட்டி எடுத்தது எல்லாம் உச்சப் பட்ச காமெடி. பார்களின் வாசலில் போய் பேட்டி எடுத்திருக்க வேண்டும். பண்ண மாட்டார்கள் என்று தெரிந்து ஆட்சிக்கு இக்கட்டை கொடுக்க வேண்டி செய்த நிகழ்ச்சியாகவே தெரிந்தது. எது எப்படியோ இந்நிகழ்ச்சியை பார்த்துக் கொண்டிருந்த நண்பர்கள் சிலர் திடீரென ஏதோ ஞாபகம் வந்தது போல கிளம்பி..” மச்சான் பாத்துட்டு இரு.. பத்து மணிக்கு கடை மூடிருவான். போய் சரக்க வாங்கிட்டு வந்திடுறேன்” என்று கிளம்ப வைத்ததுதான் நிகழ்ச்சியின் வெற்றி.
@@@@@@@@@@@@@@@@@@@@@@@@@