Cable சங்கர்

ஜக்குபாய் திரைப்படம் இண்டெர்நெட்ல் வெளியாகிவிட்டது. ஊரெல்லாம் டிவிடியாய் ப்ரிண்ட் போட்டு வெளியிட்டிருக்கிறார்கள் என்ற செய்தியும், வீடியோ பைரஸியை எதிர்த்து ஆளாளுக்கு மைக் போட்டு பிதற்றினதும், கண்ணீர் விட்டு அழுததும் நடந்தது. பைரஸி வீடியோ ஏதோ ஒரு ஸ்டியோவிலிருந்து அது எந்த ஸ்டூடியோவிலிருந்து என்று படத்தின் தயாரிப்பாளருக்கும், இயக்குனருக்கு நிச்சயமாய் தெரிந்திருக்கும் ஏனென்றால படத்தின் போஸ்ட் ப்ரொடக்‌ஷன் செய்யும் இடத்தில் இருந்து தான் திருடப்பட்டிருக்கிறது என்பது தெள்ளத் தெளிவாய் படத்தில் ஒடும் டைம் கோடை வைத்து பார்த்தால் தெரியும். ஆனால் படத்தை திருட்டு டிவிடி தயாரித்து விற்றதாக யாரோ ஒருவரை சென்னையில் இல்லாமல் வெளியூரிலிருந்து திருட்டு டிவிடி தயாரித்தார் என்று கைது செய்திருக்கிறார்கள். எய்தவனை விட்டு விட்டு அம்பை பிடித்திருக்கிறார்கள். இதற்காக இவர்கள் நடத்திய மீட்டிங்கில் டிவிடியை எதிர்த்து நம் பெரும்புகழ் பெற்ற நடிகர்கள் பேசியது செம காமெடி. சேரன் ஒவ்வொரு ஊரிலும் தங்களுடய ரசிகர் படையை ஏற்படுத்தி அவர்களுக்கு மாதம் பத்தாயிரம் சம்பளம் கொடுத்து பைரஸியை ஒழிப்போம். அதை மீறி விற்பவர்கள ஒடுக்...