Thottal Thodarum

Nov 22, 2017

கொத்து பரோட்டா 2.0-48

Trapped
நூரிக்கு மூன்று வாரங்களில் திருமணம் நிச்சயக்கப்பட்ட நிலையில் செளரியாவுக்கும், நூரிக்குமிடையே காதல். பாய்ஸ் ஆஸ்டலில் வசிக்கும் செளரியாவிடம் என் வீட்டை விட்டு வந்தால் நாம் எங்கு தங்குவது. பாஸ் ஆஸ்டலிலா?” என்று கேட்க, உடனடியாய் வீடு பார்க்கிறேன் என்று பார்க்கிறான். ரெண்டு நாளில் நூரியின் திருமணம் இருக்க, மும்பையின் அவுட்ஸ்கர்ட்டில் காலியாய் உள்ள முப்பது மாடி குடியிருப்பில் ஒரு வீடு கிடைக்கிறது.. அந்த பில்டிங் கோர்ட் கேஸில் இருப்பதால் இன்னும் யாருக்கும் குடி புக அனுமதியில்லை. ஒரு செவிட்டு வாட்ச்மேனைத் தவிர வேறொருவரும் இல்லாத அந்த ப்ளாட்டில் ராவோடு ராவாக அந்த வீட்டில் அவன் குடி புகுகிறான். அடுத்தநாள் காலையில் அவசரத்தில் கிளம்பும் போது போனை அறையில் விட்டு வர, ஆட்டோமேடிக் டோரில் சாவியை வைத்துவிட்டு எடுக்கப் போகிறான். காற்றில் கதவு மூடிக் கொள்ள அந்த வீட்டினுள் மாட்டிக் கொள்கிறான். கரண்ட், தண்ணீர் என எதுவுமில்லாத நிலை. மொபைலில் பேட்டரி இல்லை. இப்படி பல இல்லை.

கிட்டத்தட்ட என்பது சதவிகித படம் ஒர் அறையில் மட்டுமே சுழல்கிறது. செளரியாவாக நடித்த ராஜ்குமார் ராவின் நடிப்பு அட்டகாசம். ஆரம்பத்தில் கதவடைத்ததும் அடையும் பரபரப்பு. எப்படியும் உதவி கிடைத்துவிடும் என்கிற நம்பிக்கை கொஞ்சம் கொஞ்சமாய் தளர்ந்து போய் உடையும் குரலில் தெரியும் உணர்வுகள். கோபம். சுய பச்சாதாபம். க்ளாஸ்ட்ரோபோபிக் மனநிலை என மனிதன் பட்டையை கிளப்பியிருக்கிறார். இம்மாதிரியான படங்களைப் பார்த்தவர்களுக்கு இப்படத்தில் வரும் காட்சிகள் எல்லாம் ஒன்றும் புதிதாய் இருக்காது. என்றாலும் இந்திய அளவில் நல்ல தரமான முயற்சியே. படம் ஆரம்பித்த போது ஒவ்வொரு இரவையும் நாமும் கணக்கு பண்ணிக் கொண்டிருக்க, போகப் போக எத்தனை நாட்கள் என்று கணக்கு மறந்து போகும் அளவிற்கு நம்மை ஒன்ற வைத்துவிடுகிறது படம். படத்தின் மையமான விஷயத்தைப் பற்றி சில லாஜிக் விஷயங்கள் மனதில் ஓடினாலும் க்ரிப்பிங் எக்ஸ்பீரியன்ஸைக் கொடுக்கும் படம்.
@@@@@@@@@@@@@@@@@@@@@@@@@@@
ஓவியா ஆரவின் மருத்துவ முத்தம் பற்றித்தான் போன வாரம் பூராவும் பேச்சாய் இருந்தது. பல முத்தங்களின் நாயகன் பெயரிட்ட முத்தம். கிஸ்ஸடிச்சதுக்கு எல்லாம் லவ் பண்ண முடியுமா? என்று ஒரு சிறிய க்ரூப் ஆரவுக்கும், எங்க தங்க தலைவியை ஏமாத்தின ஆரவை வெளியேற்று என்று ஓவியா கொலைவெறிப்படை எனும் பெருங்கூட்டம் இணையமெங்கும் கத்திக் கொண்டிருக்கிறது. இம்மாதிரியான விஷயங்கள் எல்லாம் எப்படி நடக்கும் முழுக்க முழுக்க நாடகம் அதுவும் இத்தனை பேர் கேமரா எல்லாம் இருக்குமிடத்தில்? என்று கேள்வி எழுப்புவோரும் இருக்கத்தான் செய்கிறார்கள். இத்தனை கேமரா ஆட்கள் இருக்குமிடத்தில்தான் ஒருவரைப் பற்றி இன்னொருவர் புறம் பேசுகிறார்கள். வன்மம் கொண்டு திட்டுகிறார்கள், க்ரூப் சேர்க்கிறார்கள். இப்படி எல்லாமே நடக்கும் போது கிஸ்ஸடிப்பது மட்டும் எப்படி நடக்காது.அதும் தம் ரூமுக்குள் நம்மூரில் மட்டுமே கேமரா போகவில்லை. அல்லது காட்டப்படவில்லை. ஒரு ஆண் ஒரு பெண்ணை இப்படி டீஸ் செய்தால் எப்படி ஸ்டாக்கிங் அது இது என்று சொல்லுவோம் அதையே ஒரு பெண் இங்கே பண்ணிக் கொண்டிருக்கிறாள் அதை யாரும் கேள்வி கூட கேட்க மாட்டேன் என்கிறார்கள் என்ற பேச்சும் ஓடுகிறது. நான் சென்ற வாரம் சொன்னது போலவே தெலுங்கில் இன்னும் கொஞ்சம் போல்டாக நிகழ்வுகளை நடத்துகிறார்கள் சென்ற வாரம் நாமினேஷனை தனியரையில் கூப்பிட்டு சொல்லச் சொல்லாமல் நேரடியாய் சம்பந்தப்பட்டவரின் முகத்தில் கேக் கீரிமை அடித்து சொல்லச் சொன்னார்கள். செம்ம சூடாய் போய்க் கொண்டிருக்கிறது தெலுங்கு பிக் பாஸ். ஆனால் நம்மூரில் தற்போது பார்ப்பதை விட ஹிந்தியில் பத்து சீசன்களை கடந்து போயிருக்கும் பிக்பாஸில், சீட்டிங், ஸ்மூச்சிங், கிஸ்ஸிங், ரிலேஷன்ஷிப் ப்ரேக் என பல தடாலடி விஷயங்கள் நடந்தேறியிருக்கிறது. ஒரிஜினலான பிக் பிரதரில் மேட்டரே நடந்திருக்கிறது. நம்ம ஊருக்கு வர கொஞ்ச லேட்டாகும்.
@@@@@@@@@@@@@@@@@@@@@@@@@@@@@@@
ஒரு பிரபலமான பாரில் நண்பருடன் சந்திப்பு. பக்கத்து டேபிளில் டேபிள் நிறைய மல்லையாவின் ஒரு ப்ராண்டை மட்டுமே ஆர்டர் செய்திருந்தார் ஒருவர். நடுநடுவே ‘இவனுங்க எல்லாம் எதுக்கு குடிக்கிறானுங்க” என்று பொதுவாக திட்டிக் கொண்டேயிருந்தார். காதில் விழும் போதெல்லாம் கடுப்பாயிருந்தது. நண்பர் புகைக்க வெளிவந்த போது அவரும் அங்கே இருந்தார். நீங்க ஏனப்படி சொல்லிட்டேயிருக்கீங்க?’ என்று சற்றே கோபத்தோடு கேட்டேன்.  “பின்ன என்ன சார். ஒவ்வொரு ட்ரிங்கும் ஒவ்வொரு உணர்வு. ஒவ்வொன்னுத்தையும் எப்படி அனுபவிச்சு குடிக்கணும்னு ரூல் இருக்கு. அதை விட்டுட்டு ஒரு பெக்குக்கு அரை லிட்டர் கோக்கையோ, ஸ்பிரிட்டையோ ஊத்திட்டு குடிக்கிறது அராஜகம். இடியாடிக். என்றார் கோபத்துடன்.

“எப்படி சொல்றீங்க?”

”சிங்கிள் மால்ட், டபுள் மால்ட், இதைத்தவிர ஒவ்வொரு ட்ரிக்குலேயும் பல விதமான டேட்ஸ்டுகளைப் பத்தி போட்டிருப்பான் பாட்டில்ல அதை படிச்சிருக்கீங்களா?” என்றார். படித்த நியாபகம் வந்தது.

“அத்தனை டேஸ்டையும் அனுபவிக்க ஒவ்வொரு நிலை இருக்கு. முத முத நாக்குல பட்டதும் கிடைக்குற ஃபீல், உள் நாக்குல படும் போது, வாயில லேசா வலது பக்கம் ஒரு சுழற்று, இடது பக்கம் ஒரு சுழற்று சுழற்றி, மெல்ல தொண்டைக்கு அனுப்பும் போதுன்னு ஒவ்வொரு நிலையிலேயும் ஒரு டேஸ்டை பேஸ் பண்ணி தயாரிக்கிற மதுவைகள் இருக்கு. வெளிநாட்டுல ஒரு விஸ்கி இருக்கு வாயில் ஊத்தி லேசா ஒரு சுழற்று சுழற்றி களக்குனு முழுங்குனா ஐஸை முழுங்குறா மாதிரி இருக்கும் வாயைத் திறந்தா புகை வரும். அப்படியே எவாப்பரேட் ஆகும் இதை எதையும் தெரியாமல் எந்த சரக்கையும், கோக்கை ஊத்தி மடக்கு மடக்குனு குடிக்கிறவங்கலைப் பார்த்தா காண்டாவாது?:

எனக்கு அவரின் ஆதங்கம் புரிந்தது. நல்ல கோனியாக்கை, விஸ்கியை, ராவாக ஐஸ் போட்டு சிப்சிப்பாய் குடிப்பது ஒரு விதமான அழகு. எதைக் கொடுத்தாலும் பத்தலையே என்பது போல கண்களை இறுக்க மூடிஒரே மடக்கில் குடித்துவிட்டு, ம்ம்ம்.. கிர்.. என கர்ஜனையாய் குரலெடுத்து, அப்புறம் மாப்ள என்பது போல ஒரு லுக் விடுகிறவர்களைப் பார்த்தால் எனக்கும் கோபம் தான் வரும். ஆனாலும் இவரது கோபம் கொஞ்சம் அதிகமென்றே தோன்ற.. அதை சொன்னேன். அவர் சிரித்தார்.

“நானும் இங்க இருக்குற வரைக்கும் அப்படி குடிச்சவன் தான். இதுக்குன்னு கோர்ஸ் படிச்சேன் வெளிநாட்டுல எட்டு ஸ்டோர் வச்சிருக்கேன். எங்க ஸ்டோர்ல அரைலிட்டர் பாட்டிலுக்கு ரெண்டு லிட்டர் கோக் வாங்கிட்டு போறவன் நம்மூர் காரன் மட்டும்தான். வாழ்க்கைய அனுபவிக்க தெரியாம இருக்காங்க:” என்றபடி.. ஒவ்வொரு ப்ராண்ட் பேரைச் சொல்லி அதில் உள்ள  டேஸ்ட் எதனால் செய்யப்பட்டது என்று லிஸ்ட் போட்டுக் கொண்டே வந்தார். கேட்க கேட்க ஆச்சர்யமாக இருந்தது. ஒவ்வொன்றின் காம்பினேஷனும் பலவிதமான டேஸ்டுகளை கொடுக்கக் கூடியது. முடிக்கும் போது ஒர் வோட்கா ப்ராண்டை சொல்லி, இது உருளைக்கிழங்கை அடிப்படையாய் வைத்து தயாரிக்கப்பட்டது என்றார். என் எழுத்தாள நண்பருக்கு பிடித்த ப்ராண்ட். ”இல்லைங்க. அது உருளைக்கிழங்கு கிடையாது வேற ஒண்ணு” என்றேன். என் மறுத்தலிப்பு அவருக்கு பிடிக்கவில்லை. கையிலிருந்த சிகரட்டை அழுத்தமாய் உள்ளிழுத்ததைப் பார்க்கும் போது கோபம் தெரிந்தது. ஆழ இழுந்து புகையை கிட்டத்தட்ட முகத்தில்விட்டார். “நான் இதுக்காகவே படிச்சிருக்கேன்”

“இருக்கலாம் பட் ஸ்லிப் ஆப் த டங்கா தப்பாயிருக்கலாம். எனக்கு தெரிந்து அது உருளைக்கிழங்குல பண்றது இல்லை” என்றேன் மீண்டும். என் நண்பர் என் கையை அழுத்திப் பிடித்தார். அவரின் அழுத்ததில் வேணாம் விட்ரு என்று தெரிந்தது. பதில் சொல்லாமல் அமைதியாய் நின்றார். பாதி பிடித்து கொண்டிருந்த சிகரட்டை காலில் போட்டு நசுக்கிவிட்டு, உள்ளே சென்றார். சிறிது நேரம் கழித்து நான் உள்ளே சென்றேன். அங்கே அவரில்லை. பக்கத்து டேபிள் பாட்டிலை க்ளின் செய்ய வந்த பேரரிடம் எங்கே அவரு போய்ட்டாரா? என்று கேட்டேன்.. “ஆமா சார். பரபரன்னு உள்ளே வந்தாரு. அந்த ப்ராண்ட் வோட்கா பாட்டில் இருக்கானு கேட்டாரு. கொண்டு வந்து காட்டினேன். பாட்டில் மேல இருக்குறத உத்து உத்து படிச்சாரு. என்ன நினைச்சாரோ தெரியலை.. பாட்டில அப்படியே ஓப்பன் பண்ணி கடகடன்னு குடிச்சிட்டு கணக்கு கூட பாக்காம பணத்த வச்சிட்டு போய்ட்டாரு என்றார். அந்த பாட்டில் அவரின் டேபிள் மேல் இருக்க, எடுத்து படித்தேன். அது உருளைக்கிழங்கை அடிப்படையாய் வைத்து செய்யப்பட்டதல்ல.
@@@@@@@@@@@@@@@@@@@@@@@@@@@@@@@@@@@
Naked  short film
ல்கி கோல்சின் நடித்த குறும்படம்.அவர் ஒரு நடிகை. அவரை பேட்டிக் காண போகும் ஒர் பெண் பத்திரிக்கையாளர். முதல் நாள் இரவு நடிகையின் நிர்வாண வீடியோ வெளியாகி வைரலாகியிருக்க, பத்திரிக்கையின் எடிட்டர் நிருபரிடம் அதைப் பற்றி கேட்க சொல்கிறார். இவர் கேட்கிறா இல்லையா என்பதுதான் படம். கேட்டபின் சின்ன அறிவுரை சொல்கிறார்கள். பட்.. கிரிப்பிங்

https://www.youtube.com/watch?v=R29hoYjAF6w

Nov 21, 2017

ஓ.டி.டி.எனும் மாயவன் -3

ஓ.டி.டி.எனும் மாயவன் -3
இன்றைய தேதிக்கு தமிழ் நாட்டில் மீடியா ஆட்களுக்கு மத்தியில் சின்ன பட்ஜெட் தயாரிப்பாளர்கள் எல்லாருமே சட்டென அதை நிறுத்தி விட்டு ஏன் நாம வெப்.சீரீஸ் ஆரம்பிக்க கூடாது என்று பேச ஆரம்பித்துவிட்டார்கள். சில பலர் தயாரிபில் கூட இறங்கிவிட்டார்கள். எப்படி டிஜிட்டல் சினிமா பிரபலமான பின் முன் பின் அனுபவமில்லாதவர்கள் எல்லாம் சினிமா தயாரிப்பில் இறங்கினார்களோ, அது போல இப்போது வெப் சீரீஸ் தயாரிப்பில். இவர்களில் பெரும்பாலோருக்கு டிவி தொடருக்கும் வெப் சீரீஸுக்கும் குறைந்தபட்சம் ஆறுவித்யாசங்கள் கூட தெரியுமா என்று தெரியவில்லை. சரி.. வெப் சீரிஸ் தயாரிப்பதால் என்ன லாபம்?. எப்படி அதை சந்தைப் படுத்துவது? எவ்வளவு செலவு ஆகும் என்பது போன்ற முக்கிய கேள்வியெல்லாம் பற்றியெல்லாம் கவலைப் படாமல் ஆட்டத்தில் இறங்கியவர்களி விடுங்கள் தெரிந்து ஆட்டத்தில் இறங்கியவர்கள் சில இருக்கிறார்கள்.

கார்த்திக் சுப்புராஜ் தன் ஸ்டோன் பெஞ்ச் நிறுவனம் சார்பாக ஒர் வெப் சீரீஸையும், ட்ரெண்ட் லவுட் சேனல் தன்  பங்குக்கு அமெரிக்க மாப்பிள்ளை எனும் சீரீஸையும், மெட்ராஸ் செண்ட்ரல் லிவின் எனும் சீரீஸின் வெற்றிக்கு பின் மெட்ராஸ் செண்ட்ரல் புகழ் கோபி,சுதாகர், ஜாவித்தை வைத்து புது சீரீஸை ஆர்மபித்திருக்கிறார்கள். ஏற்கனவே புட் சட்னி குழுவினர் தமிழில் cntrl +Alt +Del  எனும் வெப்ஸீரீஸ் வெற்றிகரமாய் வெளியாகியிருக்க, குட்டி பத்மினி தங்கள் நிறுவனத்தின் மூலமாய் ஆல்ட் பாலாஜி ப்ளாட்பார்முக்கு தமிழில் நடிகர் நந்தா நடிப்பில் ஒர் சீரிஸை அளித்திருக்கிறார். தெலுங்கில் அன்னப்பூர்ணா ஸ்டூடியோஸ் வியூ ப்ளாட்பார்முக்காக PillA என்ற சீரீஸை தயாரித்திருக்க, அவர்களின் லேட்டஸ்டான “சோசியல்” சீரீஸின் முக்கிய கதாபாத்திரத்தில் நடித்திருப்பவர் ராணா டகுபதி என்றால் பார்த்துக் கொள்ளுங்கள். இதே  ரீதியில் தமிழில் தயாரிக்க இருப்பவர்கள் யாராவது பணம் தருவார்களா? அதை வைத்து ஒரு சில சதவிகித லாபத்தில் சுருட்டிக் கொடுக்கலாமா? என்றெல்லாம் எங்கெல்லாம் தம்தம் பழைய இன்ப்ளூயன்ஸ் உண்டோ அங்கே காய் நகர்த்திக் கொண்டிருக்கிறார்கள். ஆனால் இத்தனை ஓ.டி.டி ப்ளாட்பார்ம்கள் எப்படி தங்கள் இடத்தை நிலை நிறுத்திக் கொள்ளப் போகிறது?. எங்கேயிருந்து பார்வையாளர்களை இழுக்கப் போகிறார்கள்?. எப்படி இவர்கள் செய்யும் செலவுக்கு வருமானத்தை எடுக்கப் போகிறார்கள்? என்று ஒரு புறம் கேள்வியிருக்க, அதே நேரத்தில் இதற்கான தயாரிப்பாளர்கள் எப்படி போட்ட பணத்தை எடுக்க முடியும் என்பதையும் நாம் பார்க்கலாம்.

Ctrl+Alt+Del எனும் புட் சட்னியின் எட்டு எபிசோட் சீரிஸுக்கு, ஒரு  எபிசோடுக்கு கிட்டத்தட்ட ஒரு லட்சம் ரூபாய்க்கு மேல் செலவு என்று சொல்கிறார்கள். அவர்களின் கண்டெண்ட் தரத்தை பார்க்கும் போது நிச்சயம் அதற்கு தகுதியான விஷயமாய்த்தான் தெரிந்தது. வெறும் யூட்யூப் விளம்பரங்கள், ஹிட்சுகள் மூலம் காசு பார்க்க வேண்டுமென்றால் தொடர்ந்து விளம்பரப்படுத்தப் பட்டு, மில்லியன் கணக்கில் பார்வையாளர்களை சென்றடையும் போது நிச்சயம் ஒரு லாபகரமான ப்ராஜக்டாய் இருக்கும். ஆனால் மில்லியன் கணக்கில் தமிழில் ஹிட் வர சில வருடங்கள் ஆகலாம். அதற்காக ஒரு சிறந்த வியாபார முறையை அதில் கையாண்டார்கள். கிட்கேட், மற்றும் மிரிண்டா என்று இரண்டு ப்ராடக்டுகளை தங்கள் வெப் சீரீஸின் முக்கிய நிகழ்வின் போதெல்லாம் கேரக்டர்கள் மூலம் பயன்படுத்தவோ, அல்லது சொல்லு பயன்படுத்துவது போலவோ, ஒவ்வொரு எபிசோடிலும் காட்சிப்படுத்தி அந்த விளம்பரதாரர்களை தங்களது சீரீஸுக்கு ப்ராண்ட் பார்ட்னராய் ஆக்கி ஒர் பெரும் தொகையை பெற்றுக் கொண்டு, தயாரிப்பில் இறங்கினார்கள். இது எல்லாருக்கும் சாத்தியமாகாது. ஏனென்றால் புட் சட்னி எனும் நிறுவனம் கல்சுரல் மிஷின் எனும் நிறுவனத்தை சார்ந்தது. ஹிந்தியில் மட்டுமில்லாமல் பெரிய அளவில் மார்கெட்டில் , முக்கியமாய் யூட்யூப் நெட்வொர்க்கில் பெரும் பலமுள்ள நெட்வொர்க் எப்படி சன் தன் குழும சேனல்களுக்கு தன் சன் சேனலை வைத்து மார்கெட் செய்கிறதோ அது போல தன் பெரும் மார்கெட் விரிவாக்கத்தை வைத்து விளம்பரதாரர்களை பெற்று தங்களது வெப் சீரிஸை வெற்றி பெற வைத்தார்கள்.  இப்படியான ஒர் நிறுவனத்துக்கே இப்படியான பெரும் பின்னணி தேவையிருக்க, மற்றவர்களின் வெப் சீரிஸ்கள் எப்படி மார்கெட் செய்வது என்பது ஒர் பெரிய கேள்விக் குறிதான்.

இப்படி யோசித்துக் கொண்டிருப்பதை விட செயல்படுவது சிறந்தது என மெட்ராஸ் செண்ட்ரல் நிறுவனத்தினரின் ‘லிவின்’ மக்கள் மத்தியில் பேர் பெற ஆரம்பித்திருக்க, உடனடியாய் புட்சட்னியின் சேனலுடன் தங்கள் சேனல் லிவின்னை அதிலும் ப்ளே செய்ய ஆரம்பித்திருக்கிறார்கள். தங்களது சேனலுக்கான சப்ஸ்கிரைபரை விட, அதிக சப்ஸ்கிரைபரை வைத்திருக்கும் சேனலில் அவர்களது நிகழ்ச்சிகளை ஒளிபரப்பி பெரும் பார்வையாளர்களை ஈர்க்க ஆரம்பித்திருக்கின்ற அதே வேளை தங்களுக்கு என்று தனியாய்  ஒ.டி.டி. ப்ளாட்பார்மை ஆரம்பித்து, புட்சட்னியின் நிகழ்ச்சிகள், மற்றும் தங்களது வெப் சீரிஸ்களையும் ஒளிபரப்ப ஆரம்பித்திருக்கிறார்கள்.

இப்படி தங்களை நிருபித்த நிறுவனங்களே அடுத்த கட்டத்தை நோக்கி நகர பெரும் பிரயத்தனப்பட்டுக் கொண்டிருக்க, பாலாஜிமோகனின் “ஆஸ் ஐயம் சபரிங் பரம் காதல்” சீரீஸ் எடுத்து முடிக்கப்பட்டு, பின்பு ஹாட் ஸ்டாரும், ட்ரண்ட் லவுடும் இணைத்து அதை விலை கொடுத்து வாங்கி ஹாட் ஸ்டாரில் வெளியிட்டது. ஒரு எபிசோட் கிட்டத்தட்ட ஆறு லட்ச ரூபாய்க்கு என்று சொல்கிறார்கள். நிச்சயம் இது லாபகரமான வியாபாரம் தான். ஆனால் எல்லோராலும் இந்த முதலீட்டை செய்து காத்திருக்க முடியுமா? எல்லா நிகழ்ச்சிகளை இப்படி நல்ல விலை கொடுத்து வாங்குவார்களா?. சாட்டிலைட் சேனல் போட்டி போல பலர் பேர் ஆளாளுக்கு ஓ.டி.டி ப்ளாட்பார்ம் ஆரம்பித்துவிட்டாலும் எத்தனை நாளைக்கு இவர்களால் நெட்பிளிக்ஸ், சன் நெக்ஸ்ட், ஹாட் ஸ்டார், அமேசான் ப்ரைம் போன்றோருடன் போராட முடியும்? மக்கள் எப்படி இத்தனை பளாட்பார்ம் நிகழ்ச்சிகளையும் பார்ப்பார்கள்?. அடுத்த எபிசோடில் பார்க்கலாம்.


Nov 16, 2017

கொத்து பரோட்டா 2.0-47

A Death In Kunj
பிரபல நடிகை கொங்கனாசென் எழுத்து இயக்கத்தில் உருவாகி வெளிவந்த படம். எழுபதுகளில் நடக்கும் கதை. படத்தின் முதல் காட்சியில் இரண்டு இளைஞர்கள் அம்பாஸிட்டர் காரின் டிக்கியில் ஒர் உடலை வைத்து மூடி அடர்ந்த காடுகளை கடக்கிறார்கள். அவர்கள் முகத்தில் எந்தவிதமான ரியாக்‌ஷனுமில்லை. ப்ளாஷ்பேக்காய் கதை விரிகிறது. நந்து தன் மனைவி போனி, கஸின் ஷோட்டு மற்றும், போனியின் தோழியான கல்கியுடன் தன் பெற்றோர்களை பார்க்க குஞ்ச்  கிராமத்திற்கு கிளம்புகிறான். அங்கே போய் சேர்ந்த நேரத்தில் மேலும் இரு கஸின்கள் விக்ரமும், ப்ரெயினும் சேர்ந்து கொள்ள, குடும்பம் கொண்டாட்டமாய் புது வருடத்தை வரவேற்க தயாராகிறது.

விக்ரம் அரகண்டானவன். எதையும் சத்தமாய் ஆர்பாட்டமாய் செய்பவன். சமீபத்தில் வெளியே கூட்டிக் கொண்டு வர தயங்கும் சிறு கிராமத்துப் பெண்ணை திருமணம் செய்தவன். அவனுக்கும் கல்கிக்கும் தொடர்பு இருக்கிறது. ஷோட்டு ஒரு இண்ட்ரோவர்ட். லோ செல்ப் எஸ்டீம் கொண்டவன். சிறந்த படிப்பாளி. ஆனால் அவனுடய எம்.எஸ்.சி தேர்வில் தோல்வியடைந்து கல்லூரியையும், ஹாஸ்டலையும் விட்டு துரத்தியடிக்கப் பட்டு நந்துவுடன் திரிந்து கொண்டிருக்கிறான். நந்துவின் குட்டிப் பெண் மட்டுமே அவனை மதிக்கிறவள். பெரும்பாலான நேரம் அவளுடனேயே செலவிடுகிறான். விக்ரமின் ஆர்பாட்டம் அவனுக்கு பிடிக்கவில்லை. பேயை அழைத்துப் பேசுகிறோம் என்று இவனை வைத்து கலாட்டா செய்கிறார்கள். ஷோட்டு பயந்து போகிறான். அவனுடய மனம் இன்னும் புழுங்குகிறது. விக்ரம் அவனது புது மனைவியை அழைந்துவர, அவளுக்கு எதிரே கல்கி அவனுடனான நெருக்கத்தை காட்ட விழைய, விக்ரம் அவளை தவிர்க்கிறான். அவன் மீதான கோபத்தை வெளிப்படுத்த கடும் போதையில், ஷோட்டுவை தன் அறைக்கு அழைத்து சென்று செட்டியூஸ் செய்கிறாள். ஷோட்டுவுக்கு அன்றிரவு நடந்த உடலுறவும், கல்கியின் நெருக்கமும் ப்யூஸ் போன பல்ப்பாய் இருந்தவனின் முகத்தில் வெளிச்சம்.

அவளின் நெருக்கத்தை வளர்க்க விக்ரமின் புல்லட்டை எடுத்துக் கொண்டு கல்கியுடன் வெளியே செல்கிறான். அந்நேரத்தில் நந்துவின் மகள் காணாமல் போக, வீடே அல்லோலகல்லோலபடுகிறது. எல்லாவற்றிக்கும் காரணமென்று இவனையும் திட்டுகிறது. ஷோட்டு தேடப் போக, மிருகங்களுக்கு பரித்து வைத்த பள்ளத்தில் மாட்டிக் கொள்கிறான். அவனைப் பற்றி கொஞ்சமும் கவலைப்படாமல் எல்லோரும் போய்விட, வேலைக்காரன் உதவியாய் அவன் வரும் போது மொத்த குடும்பமும், அவனைப் பற்றி கவலைப் படாமல் சாப்பிட்டுக் கொண்டிருக்கிறது. அவனது சுய மரியாதை, இன்னும் கீழிறங்கிப் போக, குறுகிப் போய் நிற்க, கல்கியிடம் பேச விழையும் போது அவனை அவள் மதிக்காமல் இக்னோர் செய்ய, அவன் செய்யும் ஒர் செயல் மொத்த குடும்பத்தையும் அதிர்ச்சிக் ள்ளாக்குகிறது.

ஆங்கிலோ இந்தியக் குடும்பம். குடும்பமாய் குடி, தம் என கொண்டாட்டிக் கொண்டிருக்கும் அவர்களது வ்ழக்கம். தடாலடியான குடும்பத்தில் மிகவும் இண்ட்ரோவர்ட்டான தோல்வியின் விளீம்பில் தொங்கும் இளைஞன். அவனது கேரக்டர்கள். செக்ஸ். மிக இயல்பான வசனங்கள். கல்கி, ஓம்பூரி போன்றோரின் நடிப்பு. மிக இயல்பான எடிட்டிங். விக்ரமுக்கும், ஷோட்டுவுக்குமிடையே ஏற்படும் வஞ்சம். கொஞ்சம் ஸ்லோவாக போனாலும், க்ளைமேக்ஸ் சும்மா ஜிவ்வுன்னு நிக்கும்.
@@@@@@@@@@@@@@@@@@@@@@@@@@@@@@@@
தமிழ் சினிமா தயாரிப்பாளர்கள் – பெப்ஸி வேலை நிறுத்தம் ரொம்ப நாளாகவே எதிர்பார்த்ததுதான். இரண்டு வருடங்களுக்கு முன்பாகவே வெடித்தது. பின்பு அப்போதிருந்த சங்கம் காம்பரமைஸாகிப் போனது. அதன் பின் மன்சூர் அலிகான் தனியாய் ஒர் தொழிலாளர் கட்டமைப்பை ஆரம்பித்து, காம்படீஷன் கமிஷனிடம்  முறையிட்டு, இவர்களுடன் தான் வேலை செய்ய வேண்டுமென்பது கிடையாது என்று கோர்ட் சொன்னது. பின்பு வழக்கம் போல நீரு பூத்துக் கொண்டிருந்த சண்டை பில்லாபாண்டி படப்பிடிப்பை நிறுத்தியதால் பற்றிக் கொண்டிருக்கிறது. இம்முறை நிச்சமய் சமரசமாய் போக வாய்ப்பில்லை என்றே தோன்றுகிறது. அதனால் தான் பெப்ஸியின் தரப்பில் அவர்களுடய சங்கத்து ஆள் பேசியதற்கு மன்னிப்பு கோரியுள்ளது. சம்பந்தப்பட்டவரும் மன்னிப்பு கோரியுள்ள நிலையில், நாங்க உங்களோட வேலை செய்ய மாட்டோம்னு சொல்லலை. உங்களோட மட்டுமே வேலை செய்ய மாட்டோம்னுதான் சொல்லுறோம். அதும் எங்க சம்பள விதிமுறைகளுக்கு உட்பட்டால் என்கிறது தயாரிப்பாளர் தரப்பு. இந்த முறை தயாரிப்பாளர்களிடமிருந்து மிகப் பெரிய ஆதரவு தயாரிப்பாளர் சங்க தலைவர் விஷாலுக்கு . அந்த அளவுக்கு பட்டிருக்கிறார்கள்.

முன்பு போல ரொம்ப ஸ்ட்ரிக்டாக இல்லாவிட்டாலும் இவர்களைத் தவிர வேறு யாரையும் வைத்து வேலை செய்ய முடியாது என்பதாலேயே கிட்டத்தட்ட மோனோபாலியாய் ஆகிவிட்டதால் கிட்டத்தட்ட நாற்பது வருடங்களாய் சகித்துக் கொண்டிருந்தவர்கள் இப்போது பொங்கி எழுந்திருக்கிறார்கள். டிஜிட்டல் வந்தால் செலவு குறையும் என்று வரவேற்ற தயாரிப்பாளர்களுக்கு அதெல்லாம் ஒண்ணுமில்லை என்பது போல, உதவியாளர்கள் மூன்று பேர், மானிட்டருக்கு ஒருத்தர். ஸ்பெஷல் லென்ஸ் ஒவ்வொன்றுக்கும் ஒருவர் என ஆயிரக்கணக்கில் பேட்டா கொடுத்து பிலிம் கேமராவுக்கு இணையாய்தான் இன்றைய பேட்டா இருக்கிறது. தேவையேயில்லாமல் ஷூட்டிங் ஸ்பாட்டில் இத்தனை பேரை வைத்துக் கொண்டே ஆக வேண்டுமென்பது எல்லாம் இன்றைய டிஜிட்டல் யுகத்தில் அராஜகம் என்றே சொல்ல வேண்டும். இனி மோனோபாலி ஒர்க்கவுட் ஆகாது. யோசித்துப்பாருங்கள் மூன்று வேளை சோறு போட்டு, சம்பளம் கொடுக்கும் ஒரே தொழில் சினிமா மட்டுமே. கடின உழைப்பு, என்று சொல்லுவார்கள். இன்றைக்கு சினிமா அல்லாது இவர்களை விட கடின உழைப்பு உழைக்கும் எத்தனை சித்தாள், கொத்தனார்களுக்கு சோறும் போது வீட்டிலிருந்து கிளம்புவதற்கு பஸ் கட்டணம், காலை வீட்டிற்கு அருகில் டிபன் சாப்பிட பேட்டா எல்லாம் கொடுத்து சம்பளம் கொடுக்கிறார்கள். இவக்ரளை விடவா கடின உழைப்பு சினிமாவில். நிச்சயம் இல்லை.

உலகில் எந்த வேலைக்கும் நாம் செய்யும் நாட்களுக்கு மட்டுமே சம்பளம் என்றிருக்க, சினிமாவில் மட்டுமே என் வேலைக்காகத்தான் இவன் பயணப்படுகிறான் என்று ட்ராவல், சாப்பாடு என கால்ஷீட் விகிதத்திலேயே சம்பளம் கொடுத்து கூட்டி வரும் காமெடி நடக்கிறது. இன்றைய நிலையில் இது புரிந்த்தால் தான் தீவிரமில்லாமல் இருக்கிறது. பெரிய படங்களுக்கு ஒரு விதம். சிறு முதலீட்டு படங்களுக்கு ஒரு விதம் என்று அட்ஜெஸ்ட்மெண்டை பெப்ஸி செய்தாலும் இன்னும் இலகுவாகுவதற்கு இரு தரப்பும் விட்டுக் கொண்டுத்தலே நல்லது. நிச்சயம் இனி ஒரு குமுவை சார்ந்து மட்டுமே வேலை செய்யும் முறை நிச்சயம் தொடர வாய்ப்பில்லை என்றே கருதுகிறேன்.
@@@@@@@@@@@@@@@@@@@@@@@@@@@@@@@@
தமிழ் நாட்டு சென்சாரும் எப்போதுமே வில்லங்கம்தான். ஊரு மொத்தமும் கழுவி ஊத்துறா மாதிரி சீன் இருக்கிற படத்துக்கு யூ சர்டிபிக்கேட் கொடுக்கும். ஒண்ணுமேயில்லாத படத்துக்கு தடை பண்ணும். இந்த மாதிரியான பிரச்சனை சமீபத்தில் ராமின் தரமணிக்கும். விழித்திரு, மறைந்திருந்து பார்க்கும் மர்மமென்ன? எனும் படத்துக்கு நடந்திருக்கிறது. ராமின் கதை அர்பன் ஜோடிகளைப் பற்றியது. பப், ஐடி. நைட் லைஃப் என போகும் படத்திற்கு ஏ சர்ட்டிபிகேட்  கொடுத்திருக்கிறார்கள். ஜி.எஸ்.டியின் காரணமாய் வரி விலக்கு கந்தாயம் இல்லாததால் எது கொடுத்தாலும் ஓகே மனநிலையில் வரட்டும் என வாங்கி வந்து மேடையில் இந்த படம் நிச்சயம் குழந்தைகளுக்கானது இல்லை என்று ராம் பேசினாலும் விளம்பரங்களில் சென்சாரை கழுவி ஊற்றி தான் ஸ்டேடஸ் போடுகிறார்கள். தற்போது மறைந்திருந்து பார்க்கும் மர்மமென்ன படத்துக்கு சென்சார் சர்டிபிகேட்டே கொடுக்க முடியாது என்றிருக்கிறார்கள். ஏற்கனவே சென்சார் செய்ய பல ரூல்ஸ் அண்ட் ரெகுலேஷனால் க்யூவில் வந்து நிற்கும் நிலையில் மீண்டும் ட்ரீப்யூனலுக்கு போய் விளக்கி, சென்சார் வாங்கி என சின்ன படங்கள் கொஞ்சம் கொஞ்சமாய் நசுக்கதான் படுகிறது என்றே தோன்றுகிறது. இங்கு மட்டுமல்ல, சமீபத்தில் வெளியான மதூர் பண்டார்கரின் படம். லிப்ஸ்டிக் அண்டர் மை புர்க்கா போன்ற படங்களுக்கு இதே நிலைதான். பெரிய கான் நடிகர்கள் படங்களுக்கு இம்மாதிரியான பிரச்சனைகள் இல்லவே இல்லை என்றுதான் சொல்ல வேண்டும்.வரிவிலக்குக்கு கொஞ்சம் ரிலீப் கிடைத்தார் போல இந்த சென்சார் மேட்டருக்கும் ரிலீப் வந்தால் நல்லாருக்கும். வருமா?
@@@@@@@@@@@@@@@@@@@@@@@@@@@@@
"Despacito

உலகமே கொண்டாடிக் கொண்டிருக்கும் தற்போதை அமெரிக்க ஸ்பானிஷ் பாடல். லூயிஸ் பென்ஸியுடன், பிரபல ராப்பர் டாடியாங்கி இணைய, செக்ஸுவல் ரிலேஷன்சிப்பைப் பற்றிய பாடல்.  ஆஸ்யூஸ்வல் ரேகே பாப் ஸ்டைல் பாடல் தான் இதே போன்ற பல பாடல்களை நாம் பல் முறை கேட்டிருப்போம். இப்பாடலுக்கான பெரிய ப்ளஸ் விஷுவல்கள். கேட்ட மாத்திரத்தில் பார்க்க ஆரம்பித்து, மீண்டும் மீண்டும் பார்க்க வைக்கிறது. அதனால் தான் கிட்டத்தட்ட முப்பது கோடி ஹிட்ஸ். இப்பாடலின் வெற்றிக்கு ஜஸ்டின் பைபரும் ஒர் காரணம் இதன் ஆங்கில ரீமிக்ஸ் வர்ஷனை அவர் வெளியிட்ட பின்பு டெஸ்பாஸிட்டோ இன்னும் பெரிய ஹிட்டாம். ஹிப்பாப், ரேக்கே, ஸூத்திங் விஷுவல்ஸ். அழகிய பெண்கள். க்யூட் https://www.youtube.com/watch?v=kJQP7kiw5Fk

ஓ.டி.டி எனும் மாயவன் -2


நெட்ப்ளிக்ஸ் போன்ற ஸ்ட்ரீமிங் வீடியோ ஓ.டி.டி. ப்ளாட்பார்மில் டிவி நிகழ்ச்சிகளை ஒளிப்பரப்பி வந்ததெல்லாம் போய், ஸ்பானிஷ், பிரேசில், என உலகின் பல மொழிகளில் ஒரிஜினல் சீரீஸ்களை தயாரித்து வெளியிட்டுக் கொண்டிருக்கிறார்கள். இவர்களது ஹவுஸ் ஆப் கார்ட்ஸின் ஹீரோ கெவின் ஸ்பேசி. சமீபத்தில் வில்ஸ்மித்தை வைத்து என்பது மில்லியனுக்கு நெட்ப்ளிக்ஸில் மட்டுமே ஓடும் திரைப்படம் ஒன்றையும் தயாரித்திருக்கிறார்கள். ஏற்கனவே ப்ராட்பிட் நடித்து ஒரு படத்தை வெளியிட்டார்கள். நிறைய சிறு முதலீட்டு படங்களையும் தயாரிக்கிறார்கள். இரண்டு வருடம் முன்பு பூஷன் உலக சினிமா திருவிழாவில் தெரிவான ரேடியோபெட்டி, மற்றும் ரெவீலீஷன் எனும் இரண்டு இண்டிப்பெண்டண்ட் திரைப்படங்கள் நெட்ப்ளிக்ஸில் மட்டுமே வெளியாகி மக்களின் பாராட்டையும், அப்பட தயாரிப்பாளர்களுக்கு லாபத்தையும் கொடுத்துள்ளது.

என்னது லாபத்தை கொடுத்ததா? என்றால் நிச்சயம் ஆம் என்றே சொல்ல வேண்டும். என்ன அவர்களுடய பணம் என்பது இரண்டு அல்லது மூன்று வருடத்திற்கு ஒவ்வொரு மூன்று மாதத்திற்கும் டேட் மாறாமல் கொடுப்பார்கள். இது நெட்ப்ளிக்ஸின் முறை. அடக்கமான பட்ஜெட்டில் தயாரிக்கப்பட்ட இண்டிப்பெண்டட் படங்களை பார்த்து அவர்கள் தெரிவு செய்து வாங்குகிறார்கள். இவர்களின் போட்டியாளரான அமேசானின் ப்ரைம் வீடியோவும் தங்கள் பங்குக்கு ட்ராப்டு, லிப்ஸ்டிக் அண்டர் மை புர்கா, ஹிந்தி மீடியம் போன்ற சிறந்த சிறு முதலீட்டு படங்களை தியேட்டரில் ஓடுகின்ற போதே வாங்கி வெளியிடுகிறார்கள். பைரஸியைத் தேடி அலையாமல் நல்ல ப்ரிண்ட், சப்டைட்டிலோடு  எங்கோ ஒரு மல்ட்டிப்ளெக்ஸில் நடு ராத்திரி ஷோவை தேடி ஓடாமல் வீட்டிலிருந்த படியே நல்ல படங்களை பார்க்க முடிகிறது. டிவி ரைட்ஸ் என்றில்லாமல் சினிமாவிற்கு இன்னொரு வருமான வழியாய் இன்றைய டிஜிட்டல் ப்ளாட்பார்ம் உருவாகியிருக்கிறது. இந்திய அளவிற்கான உரிமை, வெளிநாட்டு டிஜிட்டல் ஒளிபரப்பு உரிமை, என இரண்டு விதமாய் சம்பாதிக்க முடியும். அல்லது இரண்டையும் ஒரே நிறுவனத்திடம் கொடுத்து கொஞ்சம் பெரிய பணமாய் பார்க்கவும் வாய்ப்பு உருவாகியிருக்கிறது.

முக்கியமாய் ஒரு விஷயம் இந்த டிஜிட்டல் கண்டெண்டுகளுக்கு சென்சார் கிடையாது. கேம் ஆப் த்ரோன்ஸை ஆன்லைனில் பார்த்தவர்களுக்கும் டிவியில் பார்த்தவர்களுக்கு அட என்ன ஜம்ப் ஆவுது? என்று யோசிப்பார்கள். அந்த சீரியல் அமெரிக்க ஹெ.பி.ஓவில் ஒளிபரப்பாவது என்றாலும் அவர்களது சென்சார் ரேட்டிங் படி சாதாரணம் தான். ஆனால் நமக்கு அஹா..ஓஹோ. அப்படியிருக்க, வெப்புக்காக எடுக்கப்படும் சீரீஸ்கள் எதுவே சென்சாருக்கு அஞ்சி எடுக்க வேண்டிய கட்டாயமில்லாதது. அதனால் எல்லா படங்களிலும், சீரீஸ்களிலும் ஆபாசம் வழிந்தோடும் என்று நீங்கள் எதிர்பார்த்தால்  பெரிய நோ.. தான். கதைக்கு என்ன தேவையோ அதை மட்டுமே வைத்துக் கொண்டு கட்டுப்பாட்டோடுதான் படம் எடுக்கிறவர்களும் எடுக்கிறார்கள்.

இந்த ஓ.டி.டி. ப்ளாட்பாமில் இணையத்தில் மட்டுமே கிடைக்ககூடிய வெப் சீரீஸ்கள் ஹிந்தியில், தமிழில், தெலுங்கில், ஆங்கிலத்தில், ஸ்பானிஷில், ப்ரேசிலிய மொழி, ப்ரெஞ்ச், என உலகின் பல மொழிகளில் எடுக்கப்படுகிறது. சினிமாவை விட மிக அதிகமான பொருட்செலவில் தரமான கண்டெண்டுகள் டிவியை விட ரெண்டு படி மேலே  கொடுக்கிறார்கள். House of cards, strange things,  போன்ற அமெரிக்க வெப் சீரீஸ்கள் ஒரு பக்கமென்றால், அமேசான் இன்சைட் எட்ஜ் போன்ற மெகா மகா பட்ஜெட் வெப்சீரீஸ்களை ஒரு பக்கம் அவிழ்த்துவிட, டிவியில் சீரியல் பார்க்காத ஆண்கள் எல்லோரும் வெப் சீரிஸில் முழ்கிக்கிடக்கிறார்கள்.

யூட்யூப் தான் முதல் ஓ.டி.டி ப்ளாட்பார்ம் என்று சொல்ல வேண்டும். அனைத்துவிதமான கண்டெண்டுகளையும் இணையத்தில் இன்றளவில் இலவசமாய் பார்க்க முடிகிற ப்ளாட்பார்ம். இதன் மூலம் வருமானம் பெற்று லட்சக்கணக்கில் சம்பாதித்தவர்கள் இருக்கிறார்கள். ஒரு காலத்தில் யூட்யூப் என்பதைப் பற்றி சாதாரணமாய் நினைத்துக் கொண்டிருந்தவர்கள் எல்லாம் பெரிய பெரிய நிறுவனங்கள் எல்லாம் ஆள் வைத்து வேலை செய்து கொண்டிருப்பதைப் பார்த்து  இணையத்துக்காக படங்களை வாங்கும் நிலை வந்துவிட்டது. அதே போல காப்பிரைட் பஞ்சாயத்து கந்தாயமும் இங்கே தான் அதிகம். ஏனென்றால் இது ஓப்பன் ப்ளாட்பார்ம். யார் வேண்டுமானாலும் கண்டெண்டுகளை அப்லோட் செய்து பணம் சம்பாரிக்க முடியும் என்பதால். ஆனால் இன்றைக்கு காப்பிரைட் ப்ரச்சனைகளுக்கு என்றே டீம் வைத்து தேடித் தேடி கண்டெண்ட் ஐடி வைத்து தடை செய்வதில் இவர்களுக்கு இணை வேறு யாரும் இல்லை.  அதே போல பல தைரியமான கண்டெண்டுகளை யூ ட்யூபில் வெளியிட்டு அதற்கு கிடைத்த வரவேற்பினால் தான் பெரிய கம்பெனிகள் தனி ஓ.டி.டி. ப்ளாட்பார்ம் ஆரம்பிக்க தைரியம் வந்து ஆட்டத்தில் இறங்குவதோ, அல்லது வேறு நிறுவனங்களுக்கு நிகழ்ச்சிகளை தயாரித்து அளிப்பதற்கோ ஆரம்பித்திருக்கிறார்கள். இன்று யாஷ்ராஜ், டி.சீரிஸ், ஈராஸ், பர்ஹான் அக்தர், விரைவில் ஷாருக், அமீர் எல்லாம் வரப் போகிறார்கள் என்கின்றனர்.


ஆனால் தெலுங்கு தான் அதிகமான வெப் சீரிஸ்களை தயாரித்து யூட்யூபில் வெளியிட்டவர்கள். சின்னச் சின்ன பட்ஜெட்டில் பல இண்டரஸ்டிங்கான வெப் சீரீஸ்கள் வெளியாகி லாபம் பார்க்க, இன்றைக்கு யெப் டிவி தெலுங்குக்காகவே நிறைய வெப் கண்டெண்டுகளை அளிக்கும் நிறுவனமாய் உருவாகியிருக்க, புதியதான் வியூ எனும் ஓ.டி.டி ப்ளாட்பார்மில் விக்ரம் பட் ஒரு வெப் சீரீஸ் இயக்க, இன்னொரு பக்கம் ராணா டகுபதியின் நடிப்பில் ஒர் சீரிஸ் ஓடிக் கொண்டிருக்கிறது.  தமிழில் ஏற்கனவே நான்கைந்து கண்ட்ரோல் ஆல்ட் டெலிட், தற்போது லிவின் போன்ற வெப் சீரிஸ்கள் வந்து பெரிதான கவனம் பெற்றிருக்க, ஹாட்ஸ்டாரில் இயக்குனர் பாலாஜி மோகனின் “ஆஸ் ஐயம் சபரிங் ப்ரம் காதல்” எனும் வெப் சீரிஸின் வெற்றி தமிழ் நாட்டில் உள்ள பல பேரின் கவனம் திரும்ப காரணமாயிற்று. வெப் சீரீஸ்களின் வெற்றி எப்படி? வருமானம் எப்படி போன்றவற்றை அடுத்த கட்டுரையில் பார்க்கலாம்.

Nov 4, 2017

ஓ.டி.டி. எனும் மாயவன் -1

ஓ.டி.டி எனும் மாயவன்.
ஓடிடி எனும் வார்த்தையை பல வருடங்களுக்கு முன் டெக்னாலஜி ஆட்கள் பயன்படுத்தியதை பார்த்திருப்பீர்கள். கேபிள் டிவி ஆப்பரேட்டர்கள் செட்டாப் பாக்ஸுகள் மூலம் ஒளிபரப்ப ஆரம்பித்த போது அந்த டெக்னாலஜியை ஓடிடி சாப்பிட்டுவிடும் என்று சொன்னவர்கள் உண்டு.  ஓ.டி.டி என்றால் என்ன? ஓவர் த டாப் டெக்னாலஜி. கேபிள், டிவி, டிஷ் போன்றவற்றின் மூலம் மட்டுமல்லாமல் இணையம் மூலம் ஒளீபரப்பாகும் முறைதான்.  இதைப் பற்றி ஐந்து வருடங்களுக்கு முன்னால் நண்பர்களிடம் நன் சொல்லிக் கொண்டிருக்கும் போது, “ ஓ இண்டர்நெட் மூலமாகவா.. நம்ம ஊரில் இண்டர் நெட் ஸ்பீட் வந்து, அது ஸ்ட்ரீம் ஆகி… நடக்கிற கதையா சார்? இங்க 2ஜியே தத்தளிக்குது என்றார்கள். இல்லை நண்பர்களே இது நிச்சயம் மாறும், அதற்கான காலத்திற்கு நாம் தயாராகிறோமோ இல்லையோ டெக்னாலஜி தயாராக்கிவிடும் என்றேன். அது தான் இப்போது நடக்க ஆரம்பித்திருக்கிறது.
ஜியோ எனும் இண்டர்நெட் சுதந்திரம் கிடைக்க ஆரம்பத்திலிருந்து, வாட்ஸப்புக்கு டேட்டா பத்தாமல் இருந்தவனெல்லாம் இருபத்திநாலும் மணி நேரம் ஆன்லைனில் இருக்க ஆரம்பித்திருக்க, போட்டிக் கம்பெனிகளும் வேறு வழியேயில்லாமல் டேட்டாக்களை சல்லீசாக அள்ளிக் கொடுக்க ஆரம்பித்திருக்கிறார்கள். இதற்கு பின்னால் இருக்கும் வியாபார அரசியலைப் பற்றி பிறகு பேசுவோம். இந்த ஓடிடி ப்ளாட்பார்ம் எத்தனை இளைஞர்களுக்கு, கலைஞர்களுக்கு, சினிமா வியாபாரத்துக்கு தன் அகண்ட அலைவரிசை கைகளை விரித்து கதவுகளை திறந்துவிடப் போகிறது என்பதை இப்போது பார்போம்.

ஓ.டி.டி ப்ளாட்பார்ம் என்றால் என்ன?. இணையம் மூலம் கண்டெண்டுகளை மொபைலில் ஆப்கள் மூலமாகவும், ஸ்மார்ட் டிவிக்கள் , ஆண்ட்ராய்ட் டிவிக்கள் மூலமாகவும் ஒளிபரப்பப்படும் சேனல்கள். இருக்குற சேனல்களையே பார்க்குறதுக்கு டைமில்லை இதுல மொபைலில் பார்க்குறதா? டீவியில வரும் 400 சொச்ச சேனல்களை விடவா  நல்ல நிகழ்ச்சிகள் வந்துவிட முடியும? அதெல்லாம் பணக்காரங்க வச்சிருக்கிற டிவி. தமிழ் நாட்டில் பெரும்பாலானவர்கள் வீட்டில் கலைஞர் கொடுத்த இலவச டிவி தான் இருக்கும் பட்சத்தில் இதெல்லாம் இன்னைக்கு சாத்தியமேயில்லை. என்று பல கருத்துக்கள் உலாவரத்தான் செய்கிறது.

ஆனால் உண்மையில் இப்படி சொல்லிக் கொண்டிருக்கும் போதே இன்னொரு பக்கம் டிஜிட்டல் ரைட்ஸ் எனும் உரிமை, கிரிக்கெட் மற்றும் பல விளையாட்டுப் போட்டிகளுக்கு டிவி ரைட்ஸ் அளவிற்கு தனியே விற்பனையாக ஆரம்பித்திருக்கிறது. அதை வாங்குதற்கு போட்டி வேறு. முன்பெல்லாம் டிவி ஷோரூமின் வாசலில் கூட்டமாய் மக்கள் கிரிக்கெட் மேட் பார்ப்பதை பார்த்திருப்பீர்கள். இன்றைக்கும் அந்த கும்பல் பாதியாகிவிட்டது. ஏனென்றால் இளைஞர்கள் பல பேர் மொபைலில் சில நிமிட பின்தங்கிய ஒளிபரப்பை இலவசமாய் ஹெச்.டி.தரத்துடன் பார்க்க ஆரம்பித்துவிட்டார்கள்.

மொபைலில் படம் பார்பது எல்லாம் சரிப்பட்டு வராது  சின்ன ஸ்க்ரீனில் படம் பார்பது என்ன விதமான அனுபவத்தை கொடுத்துவிடக்கூடும். நல்ல டிவியிலேயே அது கிடைப்பதில்லை அப்படியிக்க மொபைலில் நோ வே.. என்பார்கள். இன்றைக்கு தமிழில் பிரபலமாகிக் கொண்டிருக்கிற வெப் சீரிஸ்களை பஸ், ரயில் என ட்ராவலில் பார்த்தவர்கள் தான் அதிகம். ஸ்மைல் சேட்டை முதல், புதிது புதியாய் பிரபலமாகிக் கொண்டிருக்கும் யூட்யூப் பிரபலங்களின் மேடையே ரயில், பஸ், மற்றும் கம்ப்யூட்டர்கள்  தான் என்று சொன்னால் இப்போது ஒத்துக் கொள்வீர்கள். ஏனென்றால் இவர்களை நீங்கள் அறிந்தது இணையம் மூலமாய்த்தான், சமீபத்தில் வெளியான மீசையை முறுக்கு திரைப்படத்தில் பல யூட்யூப் பிரபலங்கள் நடித்திருந்தார்கள். இவர்கள் திரையில் தெரியும் காட்சிகளில் எல்லாம் ஒரு பெரிய ஸ்டார் படத்திற்கு வந்த எஃபெக்ட்டை மக்கள் கொடுக்க, இணையத்தில் அவ்வளவாக நடமாடாதவர்களுக்கு யார் இவரு? எதுக்கு இப்படி எல்லா பசங்களும் கத்துறானுவ?. ஒரு வேளை கலாய்க்கிறாங்களோ? என்று புரியாமல் பார்த்தவர்கள் அதிகம். ஆனால் அந்த படத்தின் வெற்றிக்கு முக்கியமான காரணங்களில் ஒரு காரணம் இளைஞர்களின் நெருக்கமான யூட்யூப் பிரபலங்கள் அதில் இருந்ததும் தான்.

Netflix, Prime video, Hot star, Sun nxt, Voot, Viu, ozee, Yupptv, SonyLiv,tubitv, Altbalaji,Hungama,Eros Now,Daily motion, youtube, viu, yuv, jiotv, jio movies,Airteltv,  என வரிசைக் கட்டிக் கொண்டு நிற்கிறது. பெரிய டிவி நிறுவனங்கள் எல்லாம் தங்களது பேக்கேஜ் சேனல்களை ஆப் மூலமாய் கொடுக்க ஆரம்பித்திருக்க, இந்த ரேஸில் நாமும் இருக்க வேண்டி யூனானி, ஆயுர்வேத, டேபிள் டாப்களை மட்டுமே விற்கும் குட்டி சேனல்கள் எல்லாம் ஒன்று சேர்ந்து ஒரு ஆஃப்பை போன வாரம் லாஞ்ச் செய்திருக்கிறார்கள். என்பதை கவனிக்கும் போது மொபைலில், ஆஃபுகளின் மூலமாய் நிகழ்ச்சிகளை பார்ப்பது வளர்ந்து கொண்டிருக்கிறது என்பதை நீங்கள் மறுக்க முடியாது.  வெறும் டிவி நிகழ்ச்சிகளை பார்க்கத்தான் இந்த ஆஃபுகள், ஓ.டி.டி ப்ளாட்பார்மா? என்றால் இல்லை. அதன் வீச்சே வேறு.. என்னவென்று அடுத்த கட்டுரையில்..

Nov 1, 2017

கொத்து பரோட்டா 2.0-46

Fidaa
ஃபிதா. பிரேமத்தின் மூலம் ரசிகர்கள் மனதை கொள்ளை கொண்ட மலர் டீச்சர் சாய் பல்லவி தான் நாயகி. வழக்கம் போல ஸ்ட்ராங்கான ஹீரோயின் கேரக்டர். அன்பான அப்பா, குடும்பம், வேல்யூஸ், அன்பு பாசம், சின்னச் சின்ன நெகிழ்வுகள், கோபங்கள் என புதியதாய் ஏதுமில்லாத சேகர் கம்மூலாவின் களம் தான். பட்.. அதை மிக அழகாய் கட்டவிழ்த்த விதம், சாய் பல்லவியின் துள்ளலும், கொண்டாட்டமுமான நடிப்பு. வருண் தேஜ் எனும் அழகன். இயல்பான, ஆடம்பரமில்லாத ஆண்மை. அழகான விஷுவல்ஸ், ஸூத்திங் இசை என நம் மனதை ஃபிதா ஆக்கி விடுகிறது.

மனைவியை இழந்த அண்ணன் மீண்டும் திருமணம் செய்ய எண்ணி, கிராமத்து பெண்ணை பார்க்க வருகிறான். பார்த்த மாத்திரத்தில் பெண்ணை பிடித்தாலும், தன் தம்பி வந்து தான் முடிவெடுக்க வேண்டும் என்று சொல்ல, “அதென்ன தம்பி பார்த்து சொல்லுறது என்ற காண்டாகிறாள் தங்கையான சாய் பல்லவி. தம்பி வருண் தேஜை ரயில்வே ஸ்டேஷனில் வரவேற்க ஆரம்பிக்குமிடத்திலிருந்து இருவருக்குமான லடாய், ஊடல், மெல்ல கல்யாணத்தின் போது ட்ரான்பர்மேஷனாகும் காதல். முக்கியமாய் கல்யாண வீட்டில் சாய்பல்லவி போடும் ஒரு  க்யூட் ஆட்ட பாட்டில் இருவருக்குமான ரியாக்‌ஷன்கள் எல்லாம் சேர்ந்து காதல் வருமிடம். பின்பு பிரிவு, இரண்டாம் பாதி முழுவதும் அமெரிக்கா, மொக்கை மேட்டர் தான் காதலர்களின் பிரிவுக்கான பெரிய விஷயமாய் அமையும். இதிலும் அஃதே. அது கொஞ்சம் கொஞ்சமாய் மண்டிப் போய், வார்த்தைகள் தடித்து, உருவாகும் அழுத்தம் என போய் எப்படி இணைகிறார்கள் என்பதுதான் கதை.

கொஞ்சம் ஹம் ஆப்கே ஹை கோனின் ஸ்லீக் வர்ஷனாய் தெரிந்தாலும், வசனம் தான் பேசுகிறார்கள் என்பதாய் இல்லாமல் நடக்கும் கான்வர்ஷேஷன்கள் ஆஸ்யூஸ்வல் க்ளாஸ்.. சாய் பல்லவியின் அட்டகாசமான நடிப்பு, நடனம். வருண் தேஜின் ஸ்க்ரீன் ப்ரெசென்ஸ். எங்கேயும் திணிக்கப்படாத காட்சிகள். அழுத்தமான நாயகி கேரக்டர். க்ளைமேக்ஸில் எத்தனையோ படங்களில் பார்த்த உணர்வுதான் என்றாலும் லேசாய் கண்களில் கண்ணீர் நிற்க நெகிழ வைத்த சாய்பல்லவி, மற்றும் இயக்குனர் சேகர் கம்மூலாவுக்கும் வாழ்த்துக்கள். தெலுங்கில் அழகான ஒரு ஃபீல் குட் ஹிட் படம். டோன் மிஸ்  வச்சிந்தே சாங்.. தமிழில் இந்த மாதிரியான ஃபீல் குட் படங்களுக்கான கேப் இருந்து கொண்டேயிருக்கிறது.
@@@@@@@@@@@@@@@@@@@@@@@@@@@@@@@@@
Bigg Boss
ஷோஷியல் மீடியாவே அலறிக் கொண்டிருக்கிறது. எந்த டைம் லைனைப் பார்த்தாலும் பிக்பாஸ்தான். ஓவியா கொலைவெறி படை தான். சேவ் ஓவியா டேக் தான். டிவி சீரியல்களை பார்க்காதவர்கள் எல்லாம் கூட கிட்டத்தட்ட ஒன்பது மணியாகிவிட்டால் கை நடுங்க ஆரம்பித்துவிடுகிறார் போல ட்க்டக்கென டிவி முன் ஆஜர் ஆகிவிடுகிறார்கள். இலவசமாய் இத்தனைநாள் கொடுத்துக் கொண்டிருந்த ஹாட்ஸ்டார் ப்ரீமியம் கண்டெண்ட் என்று மாற்றி காசு கேட்க ஆர்மபித்துவிட்டது. இன்னொரு பக்கம் இத்தனை நாள் போராட்டத்தில் சேனல் ஜி.ஆர்.பியில் மூன்றாவது, நான்காவது லிஸ்டில் போட்டிப் போட்டுக் கொண்டிருந்த சேனல் இந்த நிகழ்ச்சியால் இரண்டாவது இடத்துக்கு வந்து விட்டது. இரவு நேர அர்பன் டி.ஆர்.பி எல்லா சேனல்களுக்கும் அடி என்றே சொல்கிறது விளம்பர உலகம்.

இத்தனை களேபரங்களுக்கும் காரணமான இந்த நிகழ்ச்சியின் வெற்றி சாமானியர்கள் முதல் அறிவு ஜீவியாய் தங்களை வெளிப்படுத்திக் கொள்ள விழையும் ஆட்கள் வரை எங்கேயும் பேச வைத்ததுதான்.  முழுக்க முழுக்க நாடகம். செட்டப் என்று ஒரு குற்றச்சாட்டு சொல்லப்பட்டாலும் அப்படி ஒரு நிகழ்வு சாத்தியமே இல்லை. 24 மணி நேரமும் ஸ்கிரிப்ட் எழுதி நடித்துக் கொண்டேயிருக்க முடியாது. ஆனால் இந்த நிகழ்வை பார்க்கிற, ரெக்கார்ட் செய்கிற பின்னணியில் உள்ளவர்கள் இவர்களின் பேச்சு, நடவடிக்கையை வைத்து நிச்சயம் சக்திக்கு பிடித்த ஒரே ஆங்கில வார்த்தையான “ட்ரிக்கர்” பண்ண முடியும். அதுதான் நடக்கிறது.  பிக் பாஸ் பார்ப்பதும் அதை பற்றி டைம்லைனில் எழுதுவதும் ஏதோ மோசமான ரசனையுடையவர், பர்வர்ட், ஃபீட்டிஸ் என்பது போன்ற பல வார்த்தைகளை பிரயோகித்து தங்களின் ஈகோவை வெளிப்படுத்தும் கும்பல் ஒரு பக்கமென்றால், இன்னொரு பக்கம், நாட்டில் எத்தனை பிரச்சனை இருக்கிறது அதையெல்லாம் பற்றி எழுதாமல், ஓவியாவைப் பற்றி எழுதுவது என்ன மாதிரியான நியாயம்?. தமிழகம் எப்படி உருப்படும் என்று தூற்றுகிறவர்கள் கூட நாலு வரி பிக்பாஸையும் ஓவியாவையும் திட்டிவிட்டுத்தான் எழுத வேண்டிய நிர்பந்தத்திற்கு தள்ளப்பட்டிருக்கிறார்கள்.  என்னைப் பொறுத்தவரை ஹிந்தி, கன்னடம், எல்லா பிக்பாஸும், அட்லீஸ்ட் ஒரு சீசனாவது பார்த்திருக்கிறேன். இதிலும் அஃதே. எல்லா இடங்களிலும் ஹிட். இங்கேயும் அட்லீஸ்ட் நாலு சீசனாவது ஹிட்டடிக்கும். அது மட்டுமில்லாமல் மற்ற  விஷயங்களில் எல்லாம் என்னதான் பத்தி பத்தியாய் சேவ் தமிழ்நாடு, சேவ் கூடங்குளம், என்று டேக் போட்டு போராடினாலும் நம்மால் காப்பாற்ற முடியாத போது அட்லீஸ்ட் சேவ் ஓவியா என்று போட்டு ரெண்டு வாரத்துக்கு காப்பாத்த முடியுதேங்கிற சந்தோஷம் தான் இந்த நிகழ்ச்சியின் வெற்றி.

இங்கு ஆரம்பித்த ரெண்டு வாரத்திற்கு பிறகு தெலுங்கில்  ஜூனியர் என்.டி.ஆரை வைத்து தெலுங்கு மாவில் ஆரம்பித்திருக்கிறார்கள். சொல்லப் போனால் நிஜமான அடாவடி பட்டாசு தெலுங்கு வர்ஷன். நம்மூரைப் போல நூறு நாட்கள் இல்லை. வெறும் எழுபது நாட்கள் தான். விமர்சகர், பாடகிகள், நடிகர், டிவி சிரியல் ஆர்டிஸ்ட், கரண்டில் வளர்ந்து வரும் காமெடியன். நம்ம சம்பூர்ணேஷ் பாபு, முமைத் கான், ஜோதி என கலந்து கட்டித்தான் டீம் இருக்கிறது. ஆரம்பித்து பத்து நாட்களுக்குள் ஏகப்பட்ட மசாலா தனமான சண்டைகள், கூட்டணி, பாசம், எமோஷன் என போகிறது. முதல் பிரச்சனையே அவர்களில் எல்லாரும் சேர்ந்து தம் அடிப்பதுதான். பிக் பாஸ் காண்டாகி ஒருத்தர் தான் தம் ரூமுக்குள்ள போகணும் என்று கண்டீஷன் போடுமளவுக்கு ஆண், பெண் எல்லாரும் சேர்ந்து ஒட்டுக்கா தம் அடிக்கும் காட்சிகள், இயல்பான டீசிங், ப்ராங்க், ரொம்பவும் பாசாங்கு இல்லாமல் ஏற்படும் உரையாடல்கள் காமெடி, இன்னும் பொரணி பேச ஆரம்பிக்காத பெண்கள். எல்லாவற்றையும் விட, தமிழில் கமல் மெஜெஸ்டிக்காய் ரூட்டை எடுத்துப் போய்க் கொண்டிருக்க, என்.டி.ஆர் கலந்து கட்டி, சினிமா போலவே பாடி லேங்குவேஜ், சத்தம் என தடாலடியாய் போய்க் கொண்டிருக்கிறார். பட் வெரி ப்ளீஸிங். சும்மாவே அண்ணா, தங்கச்சி போன்ற் தமிழ் பிக் பாஸ் போன்ற பாச ஃபேக் சீனெல்லாம் இல்லை. கேம் கூட லவ் ப்ரோபோஸ் செய்வது, போன்ற சீனெல்லாம் வைத்த் சூடேற்றுகிறார்கள். இன்னமும் நம்மளவுக்கு எமோஷன் லெவல் பிக்கப் ஆகவில்லை என்றாலும், முதல் எவிக்‌ஷனாய் நம்ம ஸ்ரீ போல, சம்பூர்ணேஷ் பாபு மெண்டல் டென்ஷனாகி, வெளீயேறியிருக்கிறார். எலிமினேட் ஆகி போகிறவரிடம் உங்களுக்கு யார் சப்போர்ட் செய்திருப்பார் என்று கேட்க, அவர் இவர் எனக்கு சப்பொர்ட் செய்திருப்பார் என்று சொல்கிற்வரே தனக்கு எதிராய் ஓட்டு போட்டிருப்பதை என்.டி.ஆர் போட்டுக் கொடுத்துவிட்டு, உங்களுக்கு எதிராய் ஓட்டு போட்டவர்களுக்கு நீங்க பிக் பாம் ஒன்று போடலாம் என்று ஆஃபர் கொடுக்கிறார். பழி வாங்க சந்தர்ப்பம். வீட்டுக்கு வெளியேயும் வஞ்சம்,
@@@@@@@@@@@@@@@@@@@@@@@@@@@@@@@@
தமிழ் சினிமா திரையரங்கு வர்த்தகம் இந்த வாரம் சற்றே அசுவாசப்பட்டிருக்கிறது. தியேட்டர் ஸ்ட்ரைக், ஜி.எஸ்.டி, விலையேற்றம் போன்ற பல காரணங்களால் கடந்த ரெண்டு வாரமாய் ஆள் இல்லாமல் ஈ ஓட்டிக் கொண்டிருந்த அரங்குகள் இந்த வாரம் விக்ரம் வேதா, மீசைய முறுக்கு, தெலுங்கு ஃபிதா, இங்கிலீஷ் டன்க்ரிக்கினால் புத்துணர்ச்சி பெற்றிருக்கிறது. துவண்டு போயிருந்த நெட் புக்கிங் பிக்கப் ஆகியிருக்கிறதாம். கண்டெண்ட் தான் எல்லாமே என்று தயாரிப்பாளர்கள், இயக்குனர்கள் பேட்டி கொடுப்பதற்கு பதிலாய் ஆங்கில பத்திரிக்கைகளுக்கு டிக்கெட் புக்கிங்காரர்கள் பேட்டி கொடுத்துக் கொண்டிருக்கிறார்கள்.. காரணம் வருமானம் சின்ன கல்லு பெத்த லாபம் அடைபவர்கள் பேசாமல் என்ன செய்வார்கள்?. ஆனால் அதே நேரத்தில் திங்கள் முதலே சென்னை, கோவை, செங்கல்பட்டு ஏரியா மல்ட்டிப்ளெக்ஸைத் தவிர மற்ற இடங்களில் எல்லாம் இரண்டு இலக்க ஆடியன்ஸ் ஆகிவிட்டார்கள் என்று ரிப்போர்ட். காரணம் ரிப்பீட் ஆடியன்ஸ் இல்லை என்பதும், அதிக பணம் என்பதும் ஒர் காரணம் கண்டெண்ட் தான் கிங் என்பதை மறுக்கவில்லை. அதை விற்பதும், சேர வேண்டியவர்களிடம் சேர்த்து காசாக்குவதும் முக்கியம். எல்லாரும் சேர்ந்து யோசிக்கணும்.
@@@@@@@@@@@@@@@@@@@@@@@@@@

என் மகனின் இன் ஜினியரிங் கல்லூரி அனுமதிக்காக சில கல்லூரிகளுக்கு போயிருந்தேன். பெரும்பான்மையானவர்கள் நல்ல மார்க் வரும் என்று நம்பிக்கையிருந்தாலும், கவுன்சிலிங்கை பெரிதாய் நம்பியவர்களாய்தெரியவில்லை. முன்பே கல்லூரிகளில் நடக்கும் தெரிவு தேர்வில் கலந்து கொண்டு அதில் வெற்றி பெற்றவுடன் சீட்டை ப்ளாக் செய்து கொள்கிறார்கள். அம்மாதிரியான நிகழ்வுகளில் கவுன்சிலிங்கின் போது யாருடைய போன்களையும் அவர்கள் அனுமதிப்பதில்லை. வாசலில் வாட்ச்மேன் வைத்து டோக்கன் கொடுத்துவிடுகிறார்கள். அட்வான்ஸுக்கோ, டொனேஷன் பற்றிய பேச்சுக்களையோ, யாரும் ரெக்கார்ட் செய்துவிடக்கூடாது என்கிற முன் ஜாக்கிரதை போல. எந்த ஒரு தொகைக்கும் பில்லாய் ஏதும் தராமல் ஏதோ ஒரு கோட் வேர்ட் போல நம்பர் எழுதி தருகிறார்கள். பல விதங்களில் மக்களிடமிருந்து பணம் சுரண்ட எத்தனை வழிவகைகளிருக்கிறதோ அத்தனை விதத்தையும் பயன்படுத்துகிறார்கள். நான் என் கொள்கையில் பிடித்தமாய் இருப்பவன். பையனும் அவன் கல்வியில் அழுத்தமாய் இருந்ததால் பெரிய அக்கபோர் இல்லாமல் சீட் கிடைத்தது. என்ன அஃபீஷியல் பீஸ் கட்ட கண்ணு முழி பிதுங்குது.