Mama - பேய் வளர்த்த பிள்ளைகள்
வர வர இங்கிலிஷ் படங்கள் எல்லாம் தமிழ் பட செண்டிமெண்டை மிஞ்சிக் கொண்டிருக்கிறது. பாட்மேன், சூப்பர்மேன், ஜேம்ஸ்பாண்ட் என படு பயங்கர ஆக்ஷன் ஹீரோக்கள் கூட உருகி, உருகி செண்டிமெண்ட் குழைத்து பேசிக் கொண்டிருக்க, இதில் உட்சபட்சமாய் தாயைக்காத்த தனயன் படத்தைப் போல ஜேம்ஸ்பாண்ட் மடியில் ரெண்டு வரி வசனம் பேசிவிட்டெல்லாம் உயிர் விடும் அளவிற்கு ஹாலிவுட் சினிமாக்களில் வர ஆரம்பித்துவிட்டது. அவர்களுக்கு நல்ல மாற்றம். ஆனால் நமக்கு.. டேய்.. இதைத்தானடா.. இங்க பாத்திட்டிருக்கோம் நீயுமா? என்ற அலுப்பு வரத்த்தான் செய்கிறது. அது சரி அவங்களும் என்னத்தான் பண்ணுவாங்க என்கிறீர்களா?