Cable சங்கர்

ஒவ்வொரு ஊருக்கு எப்படி ஒரு பெருமை உண்டோ அது போல ஒவ்வொரு ஊருக்கும் ஒவ்வொரு உணவகம் பிரபலமாகவும், பெருமை சேர்ப்பதாகவும் இருக்கும். அப்படிப்பட்ட உணவகங்களில் ஈரோட்டுக்கென்றே ஒரு தனிப் பெருமை சேர்த்ததில்  ஜூனியர் குப்பண்ணா மெஸுக்கும் ஒரு பங்கு உண்டு.

சாப்பாட்டுக்கடை  ஈரோடு போகப் போகிறோம் என்றதுமே தண்டோரா நிச்சயம் குப்பண்ணா மெஸ்ஸில் சாப்பிட வேண்டும் என்று முடிவு செய்துவிட்டார். காலையில் நாங்கள் லேட்டாய் போனதால் வெறும் பரோட்டா மட்டுமே கிடைக்க, சாப்பாடு வேறு ஆரம்பித்து விட்டதால் வெறும் பரோட்டா, மட்டன் மசாலா சாப்பிட்டோம். வாயில் வைத்தவுடனேயே மத்யானம் நிச்சயம் சாப்பிட வேண்டும் என்று தோன்றியது. சாப்பாடு சாப்பிட்ட சூர்யா காரகுழம்பு என்று ஒன்றை காட்டி ஒரு வாய் சாப்பிட அடடா.. இத்தனைக்கும் அவர் சாப்பிட்டது வெஜ் மீல்ஸ். கடைசியாய் கிளம்பும் முன் ஒரு டம்ளர் ரசத்தை குடிக்க, நிச்சயம் மதிய சாப்பாடு இங்கேதான் என்று முடிவெடுத்துவிட்டோம்.