Alive - Netflix Movie
கேமிங், இண்டர்நெட், ஆன்லைன், டெக்னாலஜியில் ஆழ்ந்து மூழ்கிய டீன் இளைஞன் ஒரு தூங்கி எழுந்திருக்கும் போது, வீட்டில் அப்பா, அம்மா, தங்கை என யாருமில்லை. கடைக்கு போய் வருவதாய் சிட் எழுதி வைத்து போயிருக்கிறார்கள். வீட்டின் வெளியே ஒரே ஆரவாரம். என்னவென்று பார்த்தால் மக்கள் ஜோம்பிகளாய் மாறி ஒருவரை ஒருவர் கடித்து சுவைத்துக் கொண்டிருக்கிறார்கள். வெளியே போன குடும்பத்துக்கு என்ன ஆனது? இவன் எப்படி இருபது நாட்களுக்கு மேலாக சர்வைவ் ஆகிறான்?. எது அவனை சர்வைவ் செய்ய வைத்தது? தப்பினானா இல்லையா என்பதுதான் கதை. தனியறையில் மாட்டிக் கொண்ட இளைஞன். அவனது தவிப்பு. குழப்பம். டெக்னாலஜியின் பயன் மூலமாய் அறிய முற்படுவது, எதிரே ஏதோ நம்பிக்கை. நம்பிக்கையின்மை, தனியே ஒரு பெண். அவளுடனான நட்பின் மூலமாய் ஏற்படும் வாழ்க்கையின் வெளிச்சம். தப்பித்தல். என எல்லா டெம்ப்ளேட்களுடனான ஜோம்பி படம். பட் ஒன்னரை மணி நேரம் போனது தெரியவில்லை. காரணம் கிட்டத்தட்ட கோவிட் நாட்களில் தனிமையில் மாட்டிக் கொண்டவர்களோடு ஒப்பிட்டு பார்த்துக் கொண்டால் சுவாரஸ்யம் குறையவில்லை. டைம் பாஸ் கொரியன் படம்.
