
தன் தாயையும், பதினைந்து வயது சகோதரியின் தற்கொலைக்கு பிறகு மும்பைக்கு வந்து சட்டத்திற்கு புறம்பாக தங்கி, தன் தந்தை அஜய் பட்டேலை தேடும் ரூத் எனும் பிரிட்டிஷ் பெண்ணை சுற்றும் கதைதான். பெரிய அளவு மெலோ ட்ராமா இல்லாமல் முகத்திலறையும் நிதர்சனங்களை வைத்து திரைக்கதை அமைத்திருக்கிறார்கள் அனுராக் கஷ்யப்பும், கல்கியும். ரூத் இந்தியாவில் வொர்க் பர்மிட் இல்லாமல் அரசின் வெளிநாட்டு ரிஜிஸ்டர்களிடம் லஞ்சம் கொடுத்தும், வழிந்தும் டூரிஸ்ட் விசாவை எக்ஸ்டெண்ட் செய்ய, ஒரு மசாஜ் பார்லரில் வேலை செய்கிறாள். அங்கு வரும் கஸ்டமர்களுக்கு மசாஜுடன் “கைவேலை”யும் செய்துவிட்டு பணம் சம்பாதிக்கிறாள். அவளுக்கு ஒரு டிரக் அடிக்ட் பாய்ப்ரெண்ட், என்று அவளை சுற்றி இயங்கும் ஆண்களின் உலகத்தை, அவர்களின் வக்கிரத்தை, இன்ஸெக்ட் அதிர்ச்சிகளை, பாசத்தை, அட்டகாசத்தை சொல்ல முயற்சித்திருக்கிறார்கள். க்ளைமாக்ஸில் அவளுக்கு கிடைக்கும் அதிர்ச்சி நமக்கும் அதிர்ச்சியாகவே இருக்கிறது.
ரூத்தாக கல்கி. அவருக்காகவே எழுதப்பட்ட ஸ்கிரிப்ட் போலிருக்கிறது. அருமையாய் அக்கேரக்டரை உணர்ந்து செய்திருக்கிறார். டிரக் அடிக்ட் காதலன், அவன் கடன் வாங்கிய அந்த கார்டூன் போன்ற காமெடி கன்னட வில்லன், அவனின் அடியாட்கள், வீட்டு ஓனர், மசாஜ் செய்ய வரும் நஸ்ரூதீன் ஷா, எப்போதும் போன் பேசிக் கொண்டேயிருக்கும் மசாஜ் பார்லர் பெண் முதலாளி. என்று ஒவ்வொரு சின்ன கேரக்டரும் நச்சென நடித்திருக்கிறார்கள். நம் அரசு இயந்திரத்தை முடுக்கச் செய்யும் லஞ்சத்தை டொனேஷன் என்று கொடுத்து வேலை வாங்கிக் கொள்ளும் ரூத் கேரக்டர் மூலம் அரசு இயந்திரத்தின் இன்னொரு பக்கத்தை காட்டியிருக்கிறார்கள்.

இம்மாதிரி பாராட்டும் படியான நிறைய விஷயங்கள் இருந்தாலும், ரூத் கேரக்டரின் மேல் பெரிதாய் இன்வால்வ் ஆக முடியாமல் போகக் காரணம், அவரை பற்றிய ஒரு தெளிவில்லாமை தான். வரும் கஸ்டமர்களுக்கு “கைவேலை” செய்து சம்பாதிப்பவர், காதலனுடன் படுக்க மாட்டேன் என்கிறார். அதற்கான காரணம் அவரின் வாழ்க்கையில் இருக்கிறது என்றாலும் பெரும்பாலும் வசனங்களாலேயே புரிய வைக்க முயற்சித்திருப்பது ரூத்துடன் பயணிக்க முடியாமல் போகிறது. ரூத்தின் பின்னணி என்ன? அவளின் தந்தையின் தேடலுக்கான இண்டெப்த் உணர்ச்சி நம்முள் கடக்காமலேயே இருப்பதால் ஏதோ வெளியே இருந்து எட்டிப் பார்க்கும் உணர்வே மிஞ்சுகிறது.

The Girl In Yellow Boots – Something Different But Not Striking Enough
சங்கர் நாராயண் @கேபிள் சங்கர்
சங்கர் நாராயண் @கேபிள் சங்கர்
Post a Comment
8 comments:
அருமையான தகவலை பகிர்ந்துள்ளீர்கள்
கூடன்குளம் அணு உலைக்கு எதிரான இந்த பதிவையும் படிங்க
4-வதுநாள் உண்ணாவிரதம்.127 உயிர்களை காப்பாற்றுங்கள்!!!
நேர்த்தியான விமர்சனம்
நன்றி
Going to see in this week end...
கேனான் 7டி !
பதிமூன்றுநாள் படப்பிடிப்பு !!
பட்ஜெட் !!?
உங்கள் பதிவுக்கு நன்றி.
நன்றி,
கண்ணன்
http://www.tamilcomedyworld.com
That Girl In Yellow Boots
உங்க விமாசனமே மசாஜ் பண்ணுது தலைவரே..
விமர்சனம் அருமை நண்பரே...
நல்ல சீன் உண்டா , படத்தில ?
டி ராஜேந்திரா கொக்கா
Post a Comment