சாப்பாட்டுக்கடை

சென்னையில் அண்ணாசாலை, நுங்கம்பாக்கம் சாலை சந்திப்பில் உள்ள பார்சன மனரே என்கிற இடத்தில் முன்பு பாலிமர் என்கிற பிரபலமான ஒரு சைவ உணவகம் இருந்தது. சவுத் இந்தியன், நார்த் இந்தியன் என்று இரண்டு வகை உணவுகளை ரொம்ப காலமாக கொடுத்துக் கொண்டிருந்தார்கள். சமீபத்தில் அங்கு “வெஜ் நேஷன்” என்கிற பெயரில் ஒரு ரெஸ்ட்ராரண்ட் ஆரம்பித்திருப்பதாய் போர்டை பார்த்ததும் உள்ளே சென்றால், பழைய பாலிமர் இப்போது “வெஜ் நேஷ்ன்” ஆகியிருந்த்து. உள்ளே நுழைந்த்தும் மாக்டெயில் பார் வைத்திருந்தார்கள். எலலவிதமான் ஜூஸ், மாக்டெயில்களுக்கான பார் போன்ற சீட் அமைப்புடன் விதவிதமான மெனுவுடன். உள்ளே சென்று உட்கார்ந்தவுடன் நல்ல அறுபது பக்க நோட்டு போல மெத்து மெத்தென ஒரு மெனு கார்டை கொடுத்தார்கள். பக்கா வெஜிடேரியன் அயிட்டங்கள் வரிசைகட்டி நின்றது.
குறைந்த பட்சம் நூறு ரூபாய்க்கு குறையாமல் இருந்தது சைட் டிஷ் அயிட்டம் விலையெல்லாம். நான் மீல் பேக்கேஜ் எடுத்துக் கொண்டேன். சவுத் இண்டியன் பேக்கேஜ் 120 ரூபாயும், நார்த் இண்டியன் பேக்கேஜ்130 ரூபாயும். நான் நார்த் இண்டியன்.
சூப், அன்லிமிட்டட் மூன்று விதமான சப்ஜிகள், ஒரு ட்ரை சைட் டிஷ், பச்சடி, மற்றும் ரோட்டி, புல்கா, நான் வகைகள், ஒரு ஸ்வீட், ஒரு சின்ன கிண்ணம் ஏதாவது ஒரு வெஜிடபிள் ரைஸ் என்று நல்ல டேஸ்டியான புட். புல்காக்களும், நான்களும் ரோட்டிகளும் அவ்வளவு சாப்ட் என்றால் அது மிகையில்லை. கூடவே கொடுத்திருந்த மூங்க்தாலும், பன்னிர் மசாலாவும், வெஜிடபிள்குருமாவும் ஒன்றை ஒன்று போட்டி போட்டது.
நல்ல பசிக்கு அருமையான வெஜிடேரியன் புட். சரவணபவனை விட விலை குறைவுதான். இவர்களுக்கு இன்னொரு ப்ராஞ்ச் திருவான்மியூரில் லாடிஸ் ப்ரிட்ஸ் ரோடில் ஆரம்பித்திருக்கிறார்கள்.

கேபிள் சங்கர்