click here

TT

Thottal Thodarum

Jun 4, 2011

ஆண்மைதவறேல்

Aanmai Thavarael Tamil Movie Stills சமீபகாலமாய் தொடர்ந்து பல இயக்குனர்கள் எடுத்துக் கொண்டுள்ள களம் தான். பெண்கள் விபச்சாரத்துக்காக கடத்தல். அதை விரிவாக சொல்ல் முயற்சித்திருக்கிறது. இந்த டீம்.


கால்செண்டரில் வேலைப் பார்க்கும் யமுனாவிற்கும், வெற்றிக்கும் காதல். இருவரும் ஒரே வீட்டில் மேலும் கீழுமாய் வசிக்கிறார்கள். இவர்கள் காதலிக்கும் நேரம் அதிகாலை நாலு மணி முதல் ஆறு மணி வரை. ஏனென்றால் அப்போதுதான் யமுனா நைட் ஷிப்ட் பிபிஓ வேலை முடித்து வருவாள். தினமும் வெற்றிக்காக காத்திருக்கும் யமுனா.. ஒரு நாள் வெற்றி யமுனாவின் பிறந்தநாளுக்காக விஷ் செய்ய காத்திருக்க, அவனுடன் விளையாடும் நோக்கில் ஒளிந்து கொண்டு போன் செய்கிறாள். இடைப்பட்ட நேரத்தில் அவள் கடத்தப்படுகிறாள். அவளை கடத்தியவர்கள் யார்? எதற்கு கடத்தினார்கள்? என்ன செய்ய போகிறார்கள்? யமுனாவை வெற்றி கண்டுபிடித்தானா?  என்பதை விரிவாக சொல்ல முயற்சித்திருக்கிறார்கள்.
Aanmai Thavarael Tamil Movie Stills வெற்றியாக துருவா. சில சமயம் இவர் வில்லன் போலிருக்கிறார். ஒரு சில காட்சிகளில் நடிக்கவும் முயற்சித்திருக்கிறார். யமுனாவாக ஸ்ருதி. சட்டென பிடித்துப் போகும் முகமாகவும் இல்லாமல், பிடிக்கும் முகமாகவும் இல்லாமல் ரெண்டும் கெட்டானாய் இருக்கிறார்.  ஆனால் அவரை அறிமுகப்படுத்தும் போது பின்னணியில் வரும் “பெண் என்பேன்.. பூ வெண்பேன்” என்கிற பி.பி.சீனிவாஸின் பழைய பாடலை ரீமிக்ஸி வரும் ஹம்மிங் அட்டகாசம். ஆனால் அதன் பிறகு பெரும்பாலான நேரங்களில் அழுது கொண்டேயிருக்க வேண்டியதாய் இருப்பதால் ஒன்றும் பெரிதாக சொல்வதற்கில்லை.
Aanmai Thavarael Tamil Movie Stills எழுதி இயக்கிய குழந்தை வேலப்பன் இளவயதுக்காரர். இதுவரை யாரிடமும் உதவியாளராய் இல்லாமல் இந்த அளவிற்கு இயக்கியிருப்பது பாராட்டுக்குரியது. முக்கியமாய் போலீஸ் ஸ்டேஷன் காட்சிகளில், ஒவ்வொரு டிபாட்மெண்டாய்  அலைக்கழிக்கும் காட்சிகள் இண்ட்ரஸ்டிங். ஆனால் போலீஸ்காரகளுடன் விபசார விடுதிக்குள் போய் தேடும் காட்சிகளில் முகத்தில் அறையப் படவேண்டிய அதிர்ச்சி கிடைக்கவேயில்லை. ஏனென்றால் அம்மாதிரியான இடங்களின் களத்தைப் பற்றி தெரியாததே தான் காரணம். ஆனால் திடீரென விபச்சார தடுப்பு கான்ஸ்டபிள் அவர் ஒருத்தராலத்தான் முடியும் என்று விஜய்காந்த் படம் போல  ஒருவரைப் பற்றி சொல்வது, பின்பு அவரை பற்றிய காட்சிகள் வரும் போது அவர் குடித்துக் கொண்டு இருப்பது, போன்ற பல காட்சிகள் க்ளிஷே. அதிலும் அந்த போலீஸ்காரர் கேரக்டரான சம்பத்குமார் நடு படத்தில் திடீரென ஜீப்பில் குண்டு வெடித்து செத்துப் போகிறார். ஆனால் க்ளைமாக்ஸில் வந்து நிற்கிறார். எப்படி சார் வந்தீங்க? என்று கேட்கும் போது அவர் சொல்கிறார்.. அதெல்லாம் அப்புறம் சொல்றேன் இப்போ போய் உன் காதலியை காப்பாத்து என்று. துருவா கோவா வரை பைக்கில் துறத்துவது எல்லாம் எப்படி என்று கேட்டால் கேள்வி கேட்டுக் கொண்டேயிருக்க வேண்டும்.
Aanmai-Thavarael-Movie-00-1
ஒளிப்பதிவு பல காட்சிகளில் அவுட் ஆப் போகஸில் இருக்கிறது. முக்கியமாய் துருவா பைக்கில் போகும் காட்சிகளில். சில காட்சிகளில் வரும் ஹேண்டி ஷாட்டுக்கள் அனாவசியமாய் படுகிறது. முக்கியமாய் போலீஸ் ஸ்டேஷன் காட்சிகள்.  அந்த பெண் என்பேன் நிச்சயம் அருமையான முயற்சி. பின்னணியிசையில் உறுத்தாமல் இசைத்திருக்கிறார் மரியா மனோகர்.
Aanmai-Thavarel-Team-1024x680
ப்ளஸ் என்றால் கதையை சொன்ன விதம்.  துருவாவுக்கும், யமுனவுக்குமான காதல். இருவரது காதல் பற்றி துருவா சொல்லும் கதை என்று ஆங்காங்கே சுவாரஸ்ய தீற்றல்கள்.  சில இடங்களில் வசனம் நச். போலீஸ்ஸ்டேஷனில் இன்ஸ்பெக்டர் உள்ளே வந்ததும் சாமி படத்துக்கு முன்னால் நின்று கும்பிட்டுவிட்டு, திருநீறு பூசிக் கொண்டு நிற்பது. பெண்ணைப் பற்றி ஏதுவும் தெரியாமல் இருக்கும் அம்மாக்களை சாடுவது. என்பது போன்ற விஷயங்களை பாராட்டத்தான் வேண்டும். க்ளைமாக்சில் யமுனா எப்பவும் நீ லேட்டாத்தான் வருவியா? என்று அழுதபடி அணைப்பது போன்ற காட்சிகள் சுவாரஸ்யம். கடத்தல் நெட்வொர்க்குகள் பற்றிய டீடெயிலிங்கில் இன்னும் கொஞ்சம் கவனம் செலுத்தியிருந்தால் சுவாரஸ்யமாய் இருந்திருக்கும்.

ஆண்மை தவறேல்- சர்ர்ரி…ஒகே

டிஸ்கி
ஒரே சமயத்தில் தமிழ் சினிமா இயக்குனர்களுக்கு ஒரே திரைப்படத்தின் மேல் இன்ஸ்பிரேஷன் வந்துவிடும். ஆளாளுக்கு ஒரே படத்தை அவரவர் பர்ஷப்சனில் படமெடுக்க ஆரம்பித்துவிடுவார்கள். அப்படி இவர்கள் இன்ஸ்பயர் ஆன படம்  TRADE .இந்த பிரேசிலியன் படத்தை ஏற்கனவே தமிழில் விலை என்று எடுத்துவிட, இப்படம் அதை அப்படியே அடியொற்றி  எடுத்திருக்கிறார்கள். காட்சிகள் உடைகள் உட்பட. என்ன ஒன்று எடுத்தவர்களில் இவர்கள் கொஞ்சம் நன்றாக எடுத்திருக்கிறார்கள்.
சங்கர் நாராயண் @கேபிள் சங்கர்

Post a Comment

8 comments:

King Viswa said...

//இந்த பிரேசிலியன் படத்தை ஏற்கனவே தமிழில் விலை என்று எடுத்துவிட, இப்படம் அதை அப்படியே அடியொற்றி எடுத்திருக்கிறார்கள்.//
விலை படம் மூன்று-நான்கு மாதங்களுக்கு முன்பே ரிலீஸ் ஆகிவிட்டதல்லவா? ஆனால் சிறப்பாக போகவில்லை என்று நினைவு. ஒரே படத்தை J.K ரித்தீஷ் மற்றும் அஷ்வின் சேகர் இருவரும் தனித்தனியே நடித்து ரிலீஸ் செய்தது நினைவுக்கு வருகிறது.

கிங் விஸ்வா
LITTLE BIG SOLDIER (2010) - ஆசிய சிங்கத்தின் ஒலக சினிமா - திரை விமர்சனம்!

angel said...

:)

Discovery book palace said...

படத்தின் சில காட்சிகளை முதலிலேயே பார்த்துவிட்டு படம் நன்றாக இருக்கும்ப்போலும் என்று நினைத்தேன். அதுபோலதான் தங்களின் விமர்சனமும் உள்ளது. நீங்களே ஓகே ரகம் என்ரு சொல்லிவிட்டதால் படம் ஓகேதான்..

விஜய் மகேந்திரன் said...

GOOD REVIEW CABLEJI....

யுவகிருஷ்ணா said...

கேபிள் பதிவுக்கு கிங் விஸ்வாவின் பின்னூட்டம் என்பது ஃபுல் மீல்ஸுக்கு பீடா மாதிரி செம ஜமா :-)

d said...

how to add particular label feed only in google reader

https://docs.google.com/document/d/167ezQpRodFd6Mlsf6u5GqC3w56Sl6_DUJzoRGPVuNJE/edit?hl=en_US

please forward this to others...d..

அருண் said...

J.K.ரித்தீஸ் நடித்தது "நாயகன்",அஸ்வின் சேகர் நடித்தது "வேகம்" ரெண்டுமே செல்லுலர் படத்தின் தழுவல்.என்னளவில் நாயகன் பெட்டர்.
-அருண்-

narasimha said...

The Climax auction scene is lifted from the movie 'Taken'