ஜீ.கே.வாசனின் சேனல் -V டிவி

சமீபகாலமாய் தமிழ் தொலைக்காட்சி சேனல்களில் கூட்ட்ம அதிகமாகிவிட்டது.. தமிழ் சேடிலைட் சேனல்கள் மட்டுமில்லாமல்.. லோக்கல் தொலைக்காட்சி சேனல்களும் ஆக்கிரமிக்க ஆரம்பித்துவிட்டு என்னத்தைதான் காட்டுறதுன்னு புரியாம, எல்லோரும் அழுது வடிய சீரியலையும், காமெடி நிகழ்ச்சிகளையும்,”ஹலோ..யார் பேசறீங்க..? நல்லா இருக்கீங்களா? சாப்டீங்களான்னு ? கேள்வி கேட்டே கொல்லுற லைவ் ப்ரோக்மாங்களையும் போட்டு கழுத்தறுக்கறாங்க..அதுல வேற கான்கிரீட் டிரில்லிங் மிஷின் மாதிரி குரலை வைத்து கொண்டு போனில் பாட்டு வேறு பாடி..கடவுளே..

வாழும் சேனல்கள் போட்டி போட்டு கொண்டு புது புது படங்களை போட்டும், வாழாம இருக்கிற சேனல்காரங்க.. மத்தவங்க சாப்புட்டு சக்கையாக்கி போட்ட படஙகளையும்,பாடல்களையும் காட்டி வாழ முயற்சிக்கிறாங்க..

இந்த கட்டத்தில கலைஞர் டிவி ஆரம்பிச்சதுக்கப்புறம்.. சன் டிவியின் மார்கெட் மொனோபோலி உடைக்கபட்டதால்.. பல பேர் சேனல் ஆரம்பிக்க தைரியம் வந்து ஆரம்பிக்க வந்திட்டாங்க.. சீக்கிரமே எலக்‌ஷன் வேற வருதா.. இருக்கிற சேனல்ல பாதி அரசியல் சார்பா இருக்கிறதுனால..அந்த அந்த கட்சிக்காரஙக ஆளுக்கு ஓரு சேனல் ஆரம்பிக்க ஆசைப்படுறாங்க.. அவங்க ஆரம்பிக்கிறது இருக்கட்டும், ஆனா பாக்கிறது யாருன்னுதான் தெரியல.. அரசியல் சார்போட எத்தனை சேனல்கள் தமிழ்நாட்டில் இருக்குதுன்னு உஙக் எல்லாருக்குமே தெரியும்

அப்படி சேனல் ஆசை லேட்டஸ்டா வந்திருக்கிறது..விஜயகாந்த்.. அதுக்கு அப்புறம் காங்கிரஸ் தலைவர் ஜி.கே.வாசன்.. அவரோட சேனல் பேர் “V" சேனல்.. அதாவது வாசன் சேனல்.. காங்கிரஸின் இன்னொரு தலைவர் வசந்தகுமார் அவரோட பேர்ல “வசந்த்”டிவின்னு ஆரம்பிச்சிருக்க, தங்கபாலு..”மெகா”டிவின்னு ஓண்ணு ஆரம்பிச்சி தேய்க்க ஆரம்பிச்சிருக்க, காங்கிரஸோட தலைவர் வாசன் அவருக்காக ஓரு சேனலை ஆரம்பிக்க ஆசைபடுவது என்ன தப்பு?

இத்தனை சேனல்கள் காங்கிரஸ் கூடாரத்திலிருந்தே ஆரம்பிப்பதை பார்கும் போதே அவர்க்ள் கோஷ்டி இல்லாத காங்கிரஸ் தெரிகிறது. போகிற போக்க பாத்தா ஒவ்வொரு வட்ட செயலாளர் கூட சேனல் ஆரம்பிக்க ஆசைப்படுவார் போலருக்கே..?

இதற்கு நடுவில் ஜெகத்ரட்சகன் வேறு சேனல் ஆரம்பிக்க போவதாய் பேச்சு.. எல்லாம் இந்த டிரான்ஸ்பாண்டர்களின் விலை வீழ்ச்சியாலும், 20,000த்துக்கும், 30000த்துக்கும் எல்லோரையும் நிற்க வைத்தே மாய்ந்து மாய்ந்து பேசியே, கழுத்தை அறுக்கும் சீரியல்களை ஓளிபரப்பி நாங்களும் சேனல் நடத்துறோம்ன்னு கதை பண்ணிக்கிட்டு இருக்காங்க..

பாதி பேருக்கு சேனல் ஆரம்பிச்சா அதை கடைசி நிலை பார்வையாளர்கள் வரை கொண்டு போக கேபிள் டிவி நெட்வொர்க், டி.டி.எச் நிறுவனங்களுக்கு கேரியர் ஃபீஸ் கொடுக்க வேண்டும். அதுவே மாதத்திற்கு பல லட்சமாகும்.அகில இந்திய நிலையில் உள்ள சேனலை தெரியபடுத்த வேண்டுமென்றால் பல கோடிகளை செலவழிக்க வேண்டும். இதை தவிர ப்ரொக்ராமிங் செலவுகள்..சம்பளங்கள் என்று அது சில கோடிகள்..இதையெல்லாம் தாண்டி நிகழ்சிகள் தரம் மக்களுக்கு பிடிக்க வேண்டும்.. வெறும் அரசியல் பலமும், அதிகார பலமும், பணபலமும் மட்டும் இருந்தால் சேனலை நம்பர் ஓன் சேனலாக கொண்டு வர முடியாது என்பது கடந்த அதிமுக ஆட்சியில் ஜெயா டிவி நம்பர் ஓன் வராததிலிருந்தே தெரிந்திருக்கும்..


பல சேனல்கள் அக்பர் கவுசர், நாடி ஜோதிடம், மூலிகை மருந்து, ராசிக்கல், மற்றும் கிருஸ்துவ, இஸ்லாமிய மத பிரசாரத்திற்கு வாடகைக்கு விட்டே இருக்கும் 24 மணி நேரத்தில் 25 மணி நேரம் புரொக்ராம் கொடுத்து கல்லா கட்டுகிறார்கள்.. அவர்களுக்கு இவர்கள் தரும் பணம் எல்லா செலவும் போக.. ஓரு சில லட்சங்களை வருமானமாய் பெற்று தருவதால்.. இன்னும் சில காலங்களில் கொஞ்சம் பணக்கார குடிசை தொழிலாய் டிவி சேனல் தொழில் மாறினாலும் ஆச்சர்யமில்லை..இப்பவே கிட்டத்தட்ட அந்த நிலையை எட்டுவிட்டது என்றே சொல்லலாம்.

இப்போ சமீபத்திய செய்தி.. கலைஞர் டிவி..அடுத்த கட்ட நடவடிக்கையாக.. குழந்தைகளுக்கான சேனல், கலைஞர் செய்தி சேனல், சிரிபொலி போன்ற் சேனகளை ஆரம்பிக்க போவதாய் தெரியவருகிறது.. சமீபத்திய புது வரவு ஜீ தமிழ்.. வாழ்க தமிழ், மற்றும் தமிழ் சேனல்களும்..என்ன ஓரே ஓரு சந்தோஷம்.. இவர்கள் இப்படி போட்டி போட்டு ஆரம்பிப்பதால் இதையே நம்பியிருக்கும் தொழிலாளர்களுக்கும், நடிகர், நடிகைகள், இயக்குனர்களுக்கு நல்ல காலம் கிடைக்கிறதே என்று நினக்கும் போது.. இன்னும் ரெண்டு சேனல் ஆரம்பித்தாலும் “கொண்டாட்டம்” தான் என்று தோன்றுகிறது...