Thottal Thodarum

Feb 18, 2011

வாதை, காமம், வன்புணர்ச்சி, குரூரம், வன்மம், வன்முறை = I Saw The Devil (2010)- korea

isaw வெண் பனி விழும் இரவு. ஹைவேயுமில்லாமல்.. கிராமத்து ரோடாகவும் இல்லாத ஒரு அத்துவான, ரோட்டில் ஒரு வேன் வழுக்கிச் சென்று கொண்டிருக்க,  காரில் அழகிய பெண்ணொருத்தி போனில் பேசிக் கொண்டிருக்கிறாள். அவளின் வுட்பீயுடன். ரொமாண்டிக்காக பேசிக் கொண்டிருக்கிறாள்.முகத்தில் காதலும், சந்தோஷமும், வெட்கமும் கூத்தாடுகிறது. அந்த பக்கம் காதலன் பாத்ரூமில் போய் அவளுக்காக பாட்டெல்லாம் பாடுகிறான். அவளுடய வண்டி ரிப்பேரானதால், டோ வண்டிக்காக காத்திருக்கிற நேரத்தில், வேன் டிரைவர் அவளுக்கு உதவ முற்படுகிறான். அவள் வேண்டாம் என்று மறுத்ததும் அங்கிருந்து விலகுகிறான். திடீரென அந்தப் பெண்ணை சுத்தியலால் தாக்கி அவளை இழுத்து தன் வண்டியில் தூக்கிப் போட்டுக் கொண்டு கிளம்புகிறான். ஒரு பாழடைந்த வீட்டின் ஹாலில் அந்தப் பெண் நிர்வாணமாய் உடலின் மேல் ஒரு பாலீத்தீன் கவர் போட்டு மூடி வைக்கப்பட்டிருக்க, குற்றுயிரும், கொலையுருமாய் இருக்கும் அவள் நினைவு வந்து முழிக்கிறாள். அவளின் கையை ஒரு கயிற்றில் கட்டி ஒரு மரத்தூணில் கட்டுகிறான். அவள் உடல் அசைக்க முடியாமல் திக்கித் திணறி, தன்னை கொல்ல வேண்டாம், எனக்கு கருணை காட்டுங்கள் என்று முணுமுணுக்கிறாள். ஏன் என்று அவன் கேட்கிறான் அவளது வயிற்றில் கரு உண்டாயிருப்பதாய் சொல்ல, அவள் சொன்ன மறு விநாடி தன் கையிலிருக்கும் மாமிசக் வெட்டுக் கத்தியால் ஒரே போடாய் அவள் கழுத்தில் போட, அவனது பார்வை தலை வெட்டுண்டு ஓடும் தூரத்துடன் ஓடுகிறது.

 இப்படி ஆரம்பிக்கிறது படத்தின் முதல் காட்சி. அப்படியே நடு முதுகில் சில்லென ஓடுகிறது.
i saw இப்படி கொடூர கொலை செய்யும் ஒரு சைக்கோ சீரியல் கில்லருக்கும், அவனை கண்டுபிடித்து தன் காதலி சாகும் போது பட்ட துன்பத்தை விட பத்தாயிரம் ம்டங்காவது அவனை சித்ரவதை செய்து  கொல்வேன் என்று சபதமிட்டு, இரண்டு வாரம் வேலைக்கு லீவு போட்டுவிட்டு, அவனை கண்டுபிடிக்க அலையும் காதலுனும், போலீஸ் ஆபீஸருமான ஹிரோவுக்கும் நடக்கும் போராட்டம் தான் இந்தப் படம்.

சந்தேக லிஸ்டில் இருக்கும் நான்கு பேரில் ஒவ்வொருவனையாய் டிஸ்கார்ட் செய்து நம் வில்லனை கண்டுபிடிக்கிறான். வில்லனின் இருப்பிடத்தையும்,  கொலை செய்யும் களத்தையும், அங்கிருக்கும் ரத்தத்தையும் பார்த்து கதறுகிறான். தன் காதலியின் கையில் போட்ட நிச்சயதார்த்த மோதிரத்தை கண்டுபிடிக்கிறான். தன் காதலியை கொன்ற சைக்கோ இவன் தான் என்று முடிவு செய்து வில்லனைப் பிடிக்க முயற்சிக்கிறான். வில்லன் ஒரு பெண்கள் பள்ளியில் வேன் டிரைவராய் வேலை செய்ய, இவர்கள் அங்கு போகும் போது ஸ்கூல் பெண்களுடன் வண்டியில் கிளம்பி விடுகிறான். எல்லோரையும் இறக்கிவிட்டு, ஒருத்தியை மட்டும் கடத்தி, அவளை வன்புணர்ச்சி செய்ய முயற்சி செய்யும் போது, கதாநாயகன் அவனை கண்டு பிடித்து ஒரு பெரிய சண்டை நடக்கிறது. அந்த சண்டையின் முடிவில் அவனின் வாயில் ஒரு டாப்லெட் போன்ற ஒன்றை செலுத்தி விழுங்க வைக்கிறான். இத்துடன் படம் முடிந்து விட்டது என்றால் இல்லை. இதற்கப்புறம் தான் படம்.

i saw1
அவன் வயிற்றில் அனுப்பிய டாப்லெட் ஒரு ஜிபிஆரெஸ் வஸ்து. அவனை குற்றுயிரும் கொலையுருமாய் விட்டுவிட்டு, கொஞ்சம் பணத்தையும் போட்டு விட்டு செல்கிறான். அவன் வயிற்றில் இருக்கும் டாப்லெட் அவன் எங்கு செல்கிறான் என்று கதாநாயகனுடய போனில் தெரிகிறது. அவன் எங்கெங்கெல்லாம் இம்மாதிரியான் முயற்சியில் இருக்கிறானோ அங்கெல்லாம் போய் கொஞ்சம், கொஞ்சமாய் அவனை டார்ச்சர் செய்து அவனை அங்க ஹீனப்படுத்திவிட்டு, உயிரோடு விட்டு விடுவான். மீண்டும் அவன் தட்டுத்தடுமாறி அடுத்த இடத்துக்கு போகும் போது அவன் வயிற்றில் டாப்லெட் இருப்பது தெரிய வந்து கான்ஸ்டிபேஷனுக்கு மருந்து சாப்பிட்டு மலத்தினூடே கையை விட்டு, எடுத்துவிடுகிறான். இப்போது போலீஸ் கதாநாயகனுக்கும், சைக்கோ வில்லனுக்குமான ஆட்டம் ஆரம்பம். இண்ட்ரஸ்டிங் ப்ளாட்.

படத்தின் முதல் காட்சியில் ஆரம்பித்து, படம் முழுவதும் வன்முறையும், காமமும் வழிந்தோடுகிறது. முழுக்க, முழுக்க, மனம் இறுகியவர்கள் மட்டுமே பார்க்க முடியும். அதிலும் ஒவ்வொரு பெண்ணையும் அவன் துண்டு துண்டாய் அறுத்து கொல்லும் காட்சிகளின் விவரிப்பு ஒரு சைக்கோவின் பார்வையில் படமாக்கப்பட்டிருப்பதால் ரொம்பவும் டீடெயிலிங். அதே போல லட்டுப் பாப்பா போலிருக்கும் கொரிய பெண்களும் அவர்களின் உடல்களையும், அவர்களுடய வெளிர் மார்பகங்களையும் நீள் தொடைகளையும் காட்டும் போது கிளர்ச்சியே வராமல் பரிதாபம் வருவது இயக்குனரின் வெற்றி என்றே சொல்ல வேண்டும். சைக்கோ வில்லனின் இன்னொரு சைக்கோ நண்பனின் கூட இருக்கும் பெண்ணை செக்ஸ் இல்லாமல் காய்ந்து கிடக்கும் வில்லன் வன்புணர்ச்சியாய் ஆரம்பித்து ஒரு அக்ரசிவ் செக்ஸாய் மாறும் காட்சி மட்டும் விதிவிலக்கு.

i saw2
எங்கெங்கு காணினும் ரத்தம் அருவியாய் ஓடுகிறது. பெண்களை துண்டு துண்டாய் வெட்டுவதில் ஆரம்பித்து, சைக்கோ வில்லனின் குதிகால் எலும்பை கத்தியை விட்டு துழாவி உடைப்பது, இன்னொரு சைக்கோவின் சிரிக்கும் வாயை தன் இரு கைகளாலேயே பிரித்திழுத்து கிழிப்பது, சுத்தியலோ, அல்லது கம்பியோ எது கிடைக்கிறதோ அதை வைத்து மடேல் மடேலென மண்டையில் அடித்து ரத்தம் பீரிடுவது, மலம் கழித்துவிட்டு, அதில் கையை விட்டு அந்த ஜிபிஆரெஸ் வஸ்துவை எடுப்பது என்று முகம் சுளிக்கவும், குமட்டல் வரும் அளவுக்கு வதைகளையும், அதன் வீரியத்தையும் சொல்லும் படம்.

இப்படத்தின் வயலன்ஸுக்காகவே கொரியாவில் பெரிய எதிர்ப்பு எழுந்ததாய் சொல்லப்படுகிறது. Kim Ji-Woon மிகப் பிரபலமான இயக்குனர். அதே போல சைக்கோ வில்லனாய் நடித்தவர் பிரபல கொரியப்படமான ஓல்ட்பாயின் ஹீரோ Choi Min-sik.

மேக்கிங் என்று பார்த்தால் இந்த இயக்குனரிடம் நம் தமிழ் பட இயக்குனர் மிஷ்னின் பாதிப்பு நிறைய இருக்கிறது. முக்கியமாய் நீளமான காட்சிகள், கால்களுடனான ஷாட்டுகள். மிகக் குறைவான டயலாக்குகள் என்று இருப்பதை மறுக்க முடியாது. அதே போல ஏதோ.. வாதை, வன்மம், வன்புணர்ச்சி, டார்ச்சர் என்பதை பற்றி அப்படி எழுதியிருக்கிறார்கள் இப்படி எழுதியிருக்கிறார்கள் என்று சொல்பவர்கள் இப்படத்தில் வரும் காட்சிகளை பார்க்க வேண்டும். வாதை மற்றும் டார்ச்சரின் உச்சபட்ச விஷுவல் வடிவம். என்ன ஆளாளுக்கு மண்டையில் அடித்தாலும் அடுத்த காட்சியில் எம்.ஜி.ஆர் பட மரு போல ஒரு ப்ளாஸ்திரியையோ, அல்லது ஒரு ரிப்பன் ஒன்றைக் கட்டிக் கொண்டு அடுத்த ரேப்புக்கு போவது போன்ற லாஜிக் மீறல்களை மீறி ஒரு வித்யாசமான செக்ஸ், டார்ச்சர் படம்.
சங்கர் நாராயண் @கேபிள் சங்கர்

Post a Comment

16 comments:

பிரபல பதிவர் said...

1

பிரபல பதிவர் said...

2

பிரபல பதிவர் said...

3

பிரபல பதிவர் said...

5

பிரபல பதிவர் said...

அப்புறம்

பிரபல பதிவர் said...

இதான் அதா????

பிரபல பதிவர் said...

அது இதுக்கு சரியா வராதே...

a amalraaj said...

மிஷ்கினின் பாதிப்பா..? அய்யோ.. இன்னுமா புரியலை..

a amalraaj said...

நல்லவேளை. மிஷ்கினின் படத்தை பார்த்து காப்பி அடித்தார் என்று சொல்லாமல் விட்டீர்களே..!

Deepan Mahendran said...

எப்போவே பார்க்க வேண்டிய படம்...ரொம்ப நாளாய் லேப்டாப்பில் இருக்கிறது...இந்த வாரக்கடைசியிலாவது பார்க்க வேண்டும்...நன்றி கேபிள்ஜி ஞாபகப் படுத்தியதற்கு.... btw வாதை என்றால் என்ன ?

KathaiSolli said...

இதற்க்கும் நடுநிசி நாய்களுக்கும் ஏதாவது தொடர்பு உண்டா? சார்..

ஆர்வா said...

அடடா.. கண்டிப்பா டிவிடி வாங்கணுமே.. கேபிள் சார்.. அடிக்கடி இந்த மாதிரி கொலை நயமிக்க படங்களை பத்தி எழுதுங்க..

PB Raj said...

தவறு சங்கர் சார்,

மிஷ்கின்னுக்கு கொரியன் பட பாதிப்பு அதிகம் உள்ளது..

Cable சங்கர் said...

@royal raj
தலைவரே.. உங்களுக்கு பகடி பற்றி ஏதும் தெரியாதா? :))

அருண் said...

//முழுக்க, முழுக்க, மனம் இறுகியவர்கள் மட்டுமே பார்க்க முடியும்.//
தல உங்களுக்கு ரொம்பவே இறுகுன மனசுதான்.

அவிய்ங்க ராசா said...

சங்கர் அண்ணே..இன்னைக்குதான் இந்த படம் டௌண்லோட் பண்ணி பார்த்தேன்..மிரட்டல் மேக்கிங்க். பிண்ணனி இசை, ஹிரோ, வில்லன் நடிப்பு..சான்சே இல்லை..ஆனா, படம் முழுதும் அநியாயத்துக்கு ரத்தம்..பார்த்துட்டு சிக்கன் சாப்பிட பயமா இருக்குனா பார்த்துக்குங்களேன்..)))